ཨིན་ཌོ་ནེ་ཤི་ཡའི་ གྲུ་གཟིངས་ཅིག་ལུ་ མེ་རྐྱེན་བྱུང་སྟེ་ མི་གྲངས་ ༥ ལུ་ ཤི་རྐྱེན་དང་ གཞན་མི་ ༤༡ བྱོར་སྟོར།

བི་བི་སི།

སྤྱི་ཟླ་ ༨ པའི་ཚེས་ ༢ ལུ་ ས་གནས་ཀྱི་ དྲོ་པའི་ཆུ་ཚོད་ ༨.༤༤ དེ་ཅིག་ཁར་ འགྲུལ་པ་ ༢༥༠ འབག་མི་ ཨིན་ཌོ་ནེ་ཤི་ཡའི་ གྲུ་གཟིངས་ཅིག་ལུ་ མེ་རྐྱེན་བྱུང་ཡོདཔ་ལས་ མི་གྲངས་ ༥ ལུ་ ཤི་རྐྱེན་བྱུང་ཡོད་པའི་ཕུངམོ་ཚུ་ ཐོབ་ཡོད་རུང་ གཞན་མི་ ༤༡ གར་སོང་མེད་པར་ བྱང་སྟོར་ཤོར་ཡོདཔ་སྦེ་ འགོ་དཔོན་ཚུ་གིས་ བཤད་ཡོདཔ་ཨིན་པས།

གྲུ་གཟིངས་དེ་ རྒྱལ་ཁབ་ཀྱི་ ཁྲོམ་ཚོགས་སྦོམ་ཤོས་ ༢ པ་ ཤར་ཇ་ཝ་ལུ་ཡོད་མི་ སུ་ར་མ་ཡ་ལས་ ལྷོ་སུ་ལུ་ཝེ་སི་ལུ་ཡོད་མི་ མ་ཀ་སར་ལུ་ འགྲུལ་སྐྱོད་འབད་བའི་སྐབས་ལུ་ མེ་རྐྱེན་དེ་ བྱུང་ཡོདཔ་སྦེ་ རྒྱལ་ཡོངས་འཚོལ་ཞིབ་དང་ ཉེན་སྐྱོབ་ལས་སྡེ་གིས་ སྙ་ཞུ་འབད་ནུག།

གྲུ་གཟིངས་དེ་ཁར་ མེ་རྐྱེན་བྱུང་པའི་སྐབས་ལུ་ མི་དེ་ཚུ་གིས་ སྲོག་སྐྱོབ་ཇེ་ཀེཊ་གྱོན་ཏེ་ སྲོག་སྐྱབས་གྲུ་གཟིངས་ནང་ མཆོངས་ཡོདཔ་ད་ བྱུང་རྐྱེན་དེ་གིས་སྐོར་ལས་ གསལ་ཏོག་ཏོ་སྦེ་ ཤེས་མ་ཚུགསཔ་ཨིན་པས་ཟེར་ བཀོད་འདུག་པའི་གནས་ཚུལ།