ཡུ་ཀེ་རེན་གྱིས་ ར་ཤི་ཡ་ལུ་ གནོད་འཚུབ་བཀལ་མིའི་ནང་ མི་ ༥ ལུ་ཤི་རྐྱེན།

བི་བི་སི།

སྤྱི་ཟླ་ ༨ པའི་ཚེས་ ༣ གྱི་ནུབ་མོ་ ཡུ་ཀེ་རེན་གྱིས་ ར་ཤི་ཡའི་ སྤང་ཚལ་ནང་ཡོད་མི་ མཛོད་ཁང་ ༢ ལུ་ གནོད་འཚུབ་བཀལ་ཡོདཔ་མ་ཚད་ མོཛ་ཀོའི་ཉེ་འདབས་ལུ་ ར་ཤི་ཡ་གིས་ ཡོངས་འབྲེལ་ཐོག་ལས་ ཚོང་འབྲེལ་འཐབ་མི་ ས་ཁོངས་ཅིག་ལུ་ཡང་ གནོད་འཚུབ་བཀལ་ནུག།

དེ་བཟུམ་སྦེ་ ལྷོ་ཕྱོགས་ཀེ་རིམ་ལེན་ལས་ ཀི་ལོ་མི་ཊར་ ༦༩ དེ་ཅིག་གི་ ས་ཁར་ཡོད་མི་ བཟོ་གྲྭ་འཕྲུལ་ཁང་ཅིག་ལུ་ཡང་ གནོད་འཚུབ་བཀལ་ཡོདཔ་ལས་ མི་གྲངས་ ༥ དེ་ཅིག་ལུ་ ཤི་རྐྱེན་དང་ ༡༠ ལྷགཔ་ཅིག་ལུ་ རྨ་སྐྱོན་བྱུང་ཡོདཔ་སྦེ་ ས་གནས་ཀྱི་ འགོ་དཔོན་ཚུ་གིས་ བཤད་ཡོདཔ་ཨིན་པས།

དེ་མ་ཚད་ སེན་པེ་ཊརཛ་བཱག་དང་ ཊི་ཝར་ལུང་ཕྱོགས་ཚུ་ནང་ཡོད་མི་ སྤང་ཚལ་ས་ཁོངས་ གཞན་ཚུ་གི་ནང་ཡང་ གནོད་འཚུབ་བཀལ་ཡོདཔ་སྦེ་ འགོ་དཔོན་ཚུ་གིས་ གསལ་བཤད་འབད་ནུག།

ཡུ་ཀེ་རེན་གྱིས་ དེ་ཚེ་ནུབ་གཅིག་ལུ་ མཁའ་དམག་རང་སྒུལ་འཕྲུལ་ཆས་ ཌྲཱོན་ ༣༢༠ དེ་ཅིག་ ར་ཤི་ཡ་ལུ་ བཏང་མི་ཚུ་ བཀག་ཆ་དང་ གཏོར་བཏང་ཡོདཔ་སྦེ་ ར་ཤི་ཡའི་ སྲུང་སྐྱོབ་ལྷན་ཁག་ལས་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།