འབྲུག་གི་སྐུ་ཚབ་ པདྨ་མཚོ་མོ་གིས་ ཨཱཛ་ཊྲེ་ལི་ཡའི་ སྤྱི་འཛིན་ཡོངས་ཁྱབ་ལུ་ སྐུ་ཚབ་ཀྱི་ ངོ་སྤྲོད་ཡིག་ཆ་ཕུལ་ཡོདཔ།

ཨཱཛ་ཊྲེ་ལི་ལུ་ འབྲུག་གཞུང་སྐུ་ཚབ་སྦེ་ བསྐོ་བཞག་གྲུབ་མི་ པདྨ་མཚོ་མོ་གིས་ སྤྱི་ཟླ་ ༨ པའི་ཚེས་ ༥ ལུ་ ཨཱཛ་ཊྲེ་ལི་ཡའི་རྒྱལ་ས་ ཀེན་བེ་ར་ལུ་ གཞུང་གི་ཕོ་བྲང་ནང་སྦེ་ ཨཱཛ་ཊྲེ་ལི་ཡའི་ སྤྱི་འཛིན་ཡོངས་ཁྱབ་ སེམ་མོཛ་ཊིན་ལུ་ སྐུ་ཚབ་ཀྱི་ ངོ་སྤྲོད་ཡིག་ཆས་ཚུ་ ཕུལ་ཡོདཔ་ཨིན་པས།

ངོ་སྤྲོད་ཡིག་ཆས་ཚུ་ ཕུལ་བའི་ཤུལ་ལས་ སྐུ་ཚབ་པདྨ་མཚོ་མོ་གིས་ སྤྱི་འཛིན་ཡོངས་ཁྱབ་ཀྱི་མདུན་ལུ་ མི་དབང་མངའ་བདག་རིན་པོ་ཆེ་གིས་ དབུ་གཙོས་པའི་ མི་དབང་རྒྱལ་བཙུན་མཆོག་དང་ འབྲུག་གཞུང་ དེ་ལས་ མི་སེར་ཚུ་ལས་ བཀྲིས་ལེགས་སྨོན་ཡོད་ལུགས་དང་ འབྲུག་དང་ ཨཱཛ་ཊྲེ་ལི་ཡའི་བར་ན་ ཡུན་རིང་གི་མཐུན་ལམ་དེ་ ད་ལས་ཕར་ སྔར་བ་ལྷག་སྟེ་ བཙན་ཐབས་འབད་ནི་གི་ ཁས་ལེན་ཡོད་ཟེར་ཞུ་ནུག།

འབྲུག་དང་ ཨཱཛ་ཊྲེ་ལི་ཡའི་བར་ན་ དོན་གཅོད་མཐུན་ལམ་འདི་ སྤྱི་ལོ་ ༢༠༢༢ སྤྱི་ཟླ་ ༩ པའི་ནང་ གཞི་བཙུགས་གནང་ཡོདཔ་ད་ ཀེན་བེ་ར་ལུ་ སྤྱི་ལོ་ ༢༠༢༡ ལོར་ སྐུ་ཚབ་ཡིག་ཚང་ གཞི་བཙུགས་འབད་བའི་ཤུལ་ལས་ པདྨ་མཚོ་མོ་དེ་ སྐུ་ཚབ་ ༢ པ་ཨིནམ་ད་ དོན་གཅོད་མཐུན་ལམ་ འགོ་བཙུགས་ཞིནམ་ལས་ཚུར་འབད་བ་ཅིན་ སྐུ་ཚབ་ ༦ པ་ཨིན་པའི་གནས་ཚུལ།