ཡུ་ཀེ་རེན་གྱིས་ ར་ཤི་ཡ་ལུ་ ཌྲཱོན་ཚུ་གི་ཐོག་ལས་ གནོད་འཚུབ་བཀལ་མིའི་ནང་ མི་གྲངས་ ༡༣ ལུ་ཤི་རྐྱེན།

བི་བི་སི།

སྤྱི་ཟླ་ ༨ པའི་ཚེས་ ༡༠ ལུ་ ཡུ་ཀེ་རེན་གྱིས་ མཁའ་དམག་རང་སྒུལ་འཕྲུལ་ཆས་ ཌྲཱོན་ཚུ་གི་ཐོག་ལས་ ར་ཤི་ཡ་ལུ་ གནོད་འཚུབ་བཀལ་ཡོདཔ་ལས་ མི་གྲངས་ ༡༣ ལུ་ ཤི་རྐྱེན་དང་ ཨ་ལོ་ ༡ རྩིས་ཏེ་ མི་གྲངས་ ༧༥ དེ་ཅིག་ལུ་ རྨ་སྐྱོན་བྱུང་ནུག།

དེ་ཡང་ ཡུ་ཀེ་རེན་ དམག་སྡེ་གིས་ བཤད་དོ་བཟུམ་འབད་བ་ཅིན་ ནིཛ་ནེ་ཀམཛ་ལུ་ཡོད་མི་ ས་སྣུམ་ཡང་བཙག་འཕྲུལ་ཁང་གི་ ས་ཁོངས་ནང་ ཡུ་ཀེ་རེན་ ཁོང་ར་གིས་ སྲུང་སྐྱོབ་འཕྲུལ་རིག་ཐོག་ལས་ བཟོ་སྐྲུན་འབད་མི་ ཌྲཱོན་ཨེཕ་པི་-༡ འབད་མི་ཚུ་ ལག་ལེན་འཐབ་ཐོག་ལས་ གནོད་འཚུབ་བཀལ་ཡི་ཟེར་ཨིན་པས།

དེ་བསྒང་ ཡུ་ཀེ་རེན་གྱིས་ ར་ཤི་ཡ་ལུ་ བཟོ་གྲྭའི་མཐུན་རྐྱེན་ཚུ་དང་ སྡོད་ཁྱིམ་གྱི་ ས་ཁོངས་ཚུ་ནང་ཡང་ གནོད་འཚུབ་བཀལ་ཡོདཔ་སྦེ་ ར་ཤི་ཡ་གིས་ གཏན་འཁེལ་བཟོ་ནུག།

དེ་གི་ཧེ་མ་ སྤྱི་ཟླ་ ༦ པའི་ཚེས་ ༡༢ ལུ་ཡང་ ཡུ་ཀེ་རེན་གྱིས་ ནིཛ་ནེ་ཀམཛ་ལུ་ཡོད་མི་ ས་སྣུམ་ཡང་བཙག་འཕྲུལ་ཁང་གི་ ས་ཁོངས་ཚུ་ནང་ གནོད་འཚུལ་བཀལ་ཡོདཔ་སྦེ་ཡང་ ར་ཤི་ཡ་གིས་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།