ཨཱཛ་ཊྲེ་ལི་ཡ་ ཀེན་བེ་ར་ གཙུག་ལག་སློབ་སྡེའི་ གཙོ་འཛིན་འོགམ་ མི་རྗེ་བློན་ཆེན་མཆོག་གི་ སྐུ་མདུན་ལུ་བཅར་ཡོདཔ།

སྤྱི་ཟླ་ ༨ པའི་ཚེས་ ༡༠ ལུ་ ཨཱཛ་ཊྲེ་ལི་ཡ་ ཀེན་བེ་ར་ གཙུག་ལག་སློབ་སྡེའི་ གཙོ་འཛིན་འོགམ་ མིལ་ཤོར་ཊེན་ མི་རྗེ་བློན་ཆེན་མཆོག་གི་ སྐུ་མདུན་ལུ་ བཅར་ཡོདཔ་ད་ དེ་བསྒང་ ཟུང་ཕྱོགས་མཉམ་འབྲེལ་བཙན་ཐབས་དང་ འབྲུག་ལུ་ མཐོ་རིམ་ཤེས་ཡོན་གྱི་ གོ་སྐབས་རྒྱ་སྐྱེད་ཚུ་གི་སྐོར་ལས་ གསུང་གྲོས་ཚུ་བྱུང་ནུག།

ཀེན་བེ་ར་ གཙུག་ལག་སློབ་སྡེའི་ གཙོ་འཛིན་འོགམ་དེ་ རྒྱལ་གཞུང་འཛིན་སྐྱོང་སློབ་སྡེའི་ ཤེས་ཡོན་མཐར་འཁྱོལ་མཛད་སྒོའི་ནང་ གྲལ་གཏོགས་ཀྱི་དོན་ལུ་ འོང་ཡོདཔ་དང་ རྒྱལ་གཞུང་འཛིན་སྐྱོང་སློབ་སྡེ་དང་ ཀེན་བེ་ར་ གཙུག་ལག་སློབ་སྡེའི་བར་ན་ མཉམ་འབྲེལ་གཞི་བཙུགས་འབད་དེ་ མི་ལོ་ ༡༥ འཁོརཝ་ཨིན་པའི་གནས་ཚུལ།

Please follow and like us: