ར་ཤི་ཡ་གིས་ ཡུ་ཀེ་རེན་ལུ་ མི་ཛ་ཡེལ་ཐོག་ལས་ གནོད་འཚུབ་བཀལ་ཏེ་ མི་གྲངས་ ༡༠ དམར་བསད།

རོའི་ཊརཛ།

སྤྱི་ཟླ་ ༨ པའི་ཚེས་ ༡༨ ཀྱི་དྲོ་པ་ ཡུ་ཀེ་རེན་གྱི་ བྱང་ཤར་ཁར་ཀིབ་ལུང་ཕྱོགས་ཀྱི་ གཡུས་ཚན་ཅིག་ནང་ ར་ཤི་ཡ་གིས་ མི་ཛ་ཡེལ་ཐོག་ལས་ གནོད་འཚུབ་བཀལ་ཏེ་ མི་གྲངས་ ༡༠ དམར་བསད་འབད་ནུག།

དེ་ཡང་ ཡུ་ཀེ་རེན་གྱི་སྲིད་འཛིན་ ཝོ་ལོ་ཌི་མིར་ ཟེ་ལེནཛ་ཀི་གིས་ བཤད་དོ་བཟུམ་འབད་བ་ཅིན་ ཁར་ཀིབ་ལུང་ཕྱོགས་ཀྱི་ གཡུས་ཚན་པེ་ཅེ་ནི་ཧི་ལུ་ ཁང་ཚན་ཅན་གྱི་ སྒྲིང་ཁྱིམ་ཚུ་གིས་ བསྐོར་ཏེ་ཡོད་མི་ འགྲེམ་ཁང་དང་ ཚོང་ཁང་ཚུ་ལུ་ གདུག་རྩུབ་ཅན་གྱི་སྒོ་ལས་ གནོད་འཚུབ་བཀལ་ཡི་ཟེར་ཨིན་པས།