འབྲུག་རྒྱལ་ཡོངས་ཚོགས་འདུའི་ ཚོགས་དཔོན་སྦེ་ ལྡོག་ཕྱོགས་ཚོགས་པའི་འཐུས་མི་ བཙག་འཐུ་གྲུབ་ཡོདཔ།

ད་རིས་ སྤྱི་ཟླ་ ༨ པའི་ཚེས་ ༡༩ ལུ་ འབྲུག་རྒྱལ་ཡོངས་ཚོགས་ཁང་ཆེན་མོའི་ནང་སྦེ་ རྒྱལ་ཡོངས་ཚོགས་འདུའི་ཚོགས་དཔོན་ བཙག་འཐུ་འབད་བའི་སྐབས་ལུ་ བྷུ་ཊཱན་རྟེན་འབྲེལ་པར་ཊིའི་ནང་ལས་ ལྡོག་ཕྱོགས་ཚོགས་པའི་འཐུས་མི་ བསྟན་པ་རྡོ་རྗེ་དེ་ ཚོགས་དཔོན་སྦེ་ བཙག་འཐུ་གྲུབ་ཅི།

ཚོགས་དཔོན་བཙག་འཐུ་དེ་ནང་ གཞུང་སྐྱོང་ཚོགས་པའི་ ཁ་ཐུག་ལས་ ཚོགས་དཔོན་གྱི་ འདེམས་ངོ་སྦེ་ གསོ་བའི་བློན་པོ་ རྟ་མགྲིན་དབང་ཕྱུག་ བཏོན་ཡོདཔ་ད་ ལྡོག་ཕྱོགས་ཚོགས་པའི་ ཁ་ཐུག་ལས་ ལྷུན་རྩེ་རྫོང་ཁག་ སྨིན་སྦིས་-བཙན་མཁར་གྱི་འཐུས་མི་ བསྟན་པ་རྡོ་རྗེ་དེ་ ཚོགས་དཔོན་གྱི་ འདེམས་ངོ་སྦེ་བཏོན་ནུག།

དེ་ཡང་ རྒྱལ་ཡོངས་ཚོགས་འདུའི་ནང་ འཐུས་མི་ཡོངས་བསྡོམས་ ༤༧ གྱིས་ གསང་བའི་ཚོགས་རྒྱན་ བསྐྱུར་བའི་སྐབས་ལུ་ བསྟན་པ་རྡོ་རྗེ་གིས་ ཚོགས་རྒྱན་ ༢༤ དང་ རྟ་མགྲིནདབང་ཕྱུག་གིས་ ཚོགས་རྒྱན་ ༢༣ ཐོབ་ཡོད་པའི་ གནས་ཚུལ་མདོར་བསྡུས།