ར་ཤི་ཡ་གིས་ ཡུ་ཀེ་རེན་ལུ་ མི་ཛ་ཡེལ་ཚུ་གི་ཐོག་ལས་ གནོད་འཚུབ་བཀལ་མིའི་ནང་ མི་གྲངས་ ༡༦ ལུ་ ཤི་རྐྱེན་དང་ ༤༠ ལུ་རྨ་སྐྱོན།

རོའི་ཊརཛ།

སྤྱི་ཟླ་ ༨ པའི་ཚེས་ ༢༠ ལུ་ ར་ཤི་ཡ་གིས་ ཡུ་ཀེ་རེན་གྱི་རྒྱལ་ས་ ཀི་ཡིབ་དང་ མཐའ་སྐོར་གྱི་ ལུང་ཕྱོགས་ཚུ་ནང་ དམིགས་གཏད་བསྐྱེད་དེ་ མི་ཛ་ཡེལ་ཚུ་གི་ཐོག་ལས་ གནོད་འཚུབ་བཀལ་མིའི་ནང་ མི་གྲངས་ ༡༦ དེ་ཅིག་ལུ་ ཤི་རྐྱེན་དང་ ༤༠ ལྷགཔ་ཅིག་ལུ་ རྨ་སྐྱོན་བྱུང་ནུག།

དེ་ཡང་ ཡུ་ཀེ་རེན་གྱི་ མཁའ་དམག་གིས་ བཤད་དོ་བཟུམ་འབད་བ་ཅིན་ ར་ཤི་ཡ་གིས་ ནུམམོ་གཅིག་གི་རིང་ལུ་ མགྱོགས་ཚད་ཅན་གྱི་ མི་ཛ་ཡེལ་ལེ་ཤ་ཅིག་ བཏང་ཡོདཔ་མ་ཚད་ ནུས་ཤུགས་ཅན་གྱི་ མི་ཛ་ཡེལ་ཚུ་དང་ མཁའ་དམག་རང་སྒུལ་འཕྲུལ་ཆས་ ཌཱོན་ ༡༦༨ དེ་ཅིག་ཡང་ བཏང་ཐོག་ལས་ གནོད་འཚུབ་བཀལ་ཡི་ཟེར་ཨིན་པས།

དེ་བསྒང་ ཡུ་ཀེ་རེན་གྱི་ མཁའ་དམག་གིས་ ར་ཤི་ཡའི་ མཁའ་དམག་རང་སྒུལ་འཕྲུལ་ཆས་ ཌཱོན་བརྒྱ་ཆ་ ༩༠ དེ་ཅིག་དང་ མགྱོགས་ཚད་ཅན་གྱི་ མི་ཛ་ཡེལ་ལེ་ཤ་ཅིག་ ཕབ་བཏང་ཡོད་རུང་ ནུས་ཤུགས་ཅན་གྱི་ མི་ཛ་ཡེལ་ཚུ་གི་ཐེད་ཁར་ ག་དེམ་ཅིག་ བཏང་ཡི་ག་དང་ ག་དེམ་ཅིག་ ཕབ་བཏང་ཡི་ག་གི་སྐོར་ལས་ ཧ་གོ་མ་ཚུགསཔ་སྦེ་བཤད་ནུག།