ནའི་ཇི་རི་ཡ་ལུ་ གྲུ་ཆུང་ཅིག་ མགོ་མཇུག་ལོག་སྟེ་ ཡར་སོངཔ་ལས་ མི་གྲངས་ ༥༠ དེ་ཅིག་ལུ་ཤི་རྐྱེན།

རོའི་ཊརཛ།

སྤྱི་ཟླ་ ༨ པའི་ཚེས་ ༢༠ ལུ་ ནའི་ཇི་རི་ཡའི་ ནུབ་བྱང་མངའ་སྡེ་ སོ་ཀོ་ཊོ་ལུ་ གྲུ་ཆུང་ཅིག་ ལྗིད་ཚད་དྲགས་པའི་སྟབས་ཀྱིས་ མགོ་མཇུག་ལོག་སྟེ་ ཡར་སོངཔ་ལས་ མི་གྲངས་ ༥༠ དེ་ཅིག་ལུ་ ཤི་རྐྱེན་བྱུང་ཡོདཔ་ད་ དེ་ཡང་ མང་ཤོས་ཅིག་ ཨ་ལུ་ཚུ་ཨིན་པས།

ནའི་ཇི་རི་ཡའི་ གྲུ་ཆུང་ཚུ་ལུ་ དེ་བཟུམ་མའི་ ཐུག་རྐྱེན་བྱུང་མི་དེ་ གཙོ་བོ་ར་ ཉམས་བཅོས་ལེགས་ཤོམ་མེད་མི་དང་ མི་མང་དྲགས་པའི་ཁར་ ཁྲིམས་ལུགས་ཚུ་ཡང་ བསྟར་སྤྱོད་མ་འབད་ནི་དེ་གིས་ བྱུང་དོ་ཡོདཔ་སྦེ་བཀོད་ནུག།