དཱན་ཏག་ལས་འགུལ་དང་ སྔོ་ལྗང་འཁོར་ལམ་ལས་སྡེ་ ༢ ཀྱི་བར་ན་ གོ་དོན་ཆིངས་ཡིག་བཟོ་ཡོདཔ།

སྤྱི་ཟླ་ ༨ པའི་ཚེས་ ༡༨ ལུ་ སྐྱེ་ལྡན་དང་ མཁའ་འཁོར་གནས་སྟངས་ལུ་ དྲན་ཚོར་ཅན་གྱི་ འཁོར་ལམ་བཟོ་བསྐྲུན་དང་འབྲེལ་ཏེ་ དཱན་ཏག་ལས་འགུལ་དང་ སྔོ་ལྗང་འཁོར་ལམ་ལས་སྡེ་ ༢ ཀྱི་བར་ན་ གོ་དོན་ཆིངས་ཡིག་ཅིག་བཟོ་ཡི།

ཆིངས་ཡིག་ལྟར་དུ་འབད་བ་ཅིན་ འབྲུག་གི་ཉམས་ཉེན་ཅན་གྱི་ སྐྱེ་ལྡན་ས་ཁོངས་ཚུ་ ཉེན་སྲུང་གི་དོན་ལུ་དམིགས་ཏེ་ འཁོར་ལམ་བཟོ་བསྐྲུན་དང་ རྩི་ནག་གཏང་ནིའི་ནང་ གྱིབ་ཤོག་དྲ་དུམ་བཟོ་སྟེ་ ལག་ལེན་འཐབ་ནི་ཨིན་པས།

གོ་དོན་ཆིངས་ཡིག་དེ་ཡང་ གཞི་རྟེན་མཁོ་ཆས་དང་ སྐྱེལ་འདྲེན་ལྷན་ཁག་གི་ དྲུང་ཆེན་དང་ ས་ཐོག་སྐྱེལ་འདྲེན་ལས་ཁུངས་ཀྱི་ ཡོངས་ཁྱབ་མདོ་ཆེན་གྱི་ སྐུ་མདུན་ལུ་སྦེ་ མིང་རྟགས་ཚུ་ བཀོད་ཡོདཔ་ད་ མཉམ་འབྲེལ་དེ་ འབྲུག་གི་འཁོར་ལམ་བཟོ་བསྐྲུན་ཚུ་  སླར་བྱུང་འཕྲུལ་རིག་དང་ མཐའ་འཁོར་གནས་སྟངས་ཀྱི་ འགན་ཁུར་འབག་ཐོག་ལས་ ལག་ལེན་འཐབ་ནིའི་ནང་ གལ་ཆེ་བའི་ མདུན་བསྐྱོད་ཀྱི་ གནད་དོན་ཅིག་སྦེ་ ངོས་འཛིན་བྱུང་ནུག།