ར་ཤི་ཡ་གིས་ ཡུ་ཀེརེ་ན་གྱི་ ཚོང་ཁང་སྦོམ་ཅིག་ལུ་ གནོད་འཚུབ་བཀལ་ཏེ་ མི་གྲངས་ ༡༦ དམར་བསད།

བི་བི་སི།

སྤྱི་ཟླ་ ༨ པའི་ཚེས་ ༢༡  ལུ་ ར་ཤི་ཡ་གིས་ རང་སྒུལ་མཁའ་དམག་འཕྲུལ་ཆས་ཌྲཱོན་ཚུ་ ལག་ལེན་འཐབ་སྟེ་ ཡུ་ཀེ་རེན་གྱི་ས་གནས་ ཀི་རི་ཝི་རི་ཟེར་སར་ཡོད་མི་ ཚོང་ཁང་སྦོམ་ཅིག་ལུ་ གནོད་འཚུབ་བཀལ་ཡོདཔ་ལས་ མི་གྲངས་ ༡༦ དེ་ཅིག་ལུ་ ཤི་རྐྱེན་དང་ ༡༣༠ ལུ་ རྨ་སྐྱོན་བྱུང་ནུག

དེ་ཡང་ དེ་ཚེ་ནུབམོ་གཅིག་ར་ སྲོག་སྐྱབས་ཀྱི་ ལཱ་འབད་མི་ཚུ་གིས་ ཚོང་ཁང་རམ་འགྱོ་མིའི་ནང་ མི་མ་ཤི་བར་ གསོན་པོ་སྦེ་ཡོད་མི་ཚུ་ འཚོལ་ཐབས་འབད་ཡོད་རུང་ མི་གྲངས་ ༩ འཚོལ་མ་ཐོབ་པར་ཡོདཔ་ཨིན་པས།  

ཡུ་ཀེ་རེན་གྱི་སྲིད་འཛིན་ ཝོ་ལོ་ཌི་མིར་ ཟེ་ལེནཛ་ཀི་གིས་ དེ་བཟུམ་མའི་ གནོད་འཚུབ་ལན་ཐེངས་ ༢ རེ་ བཀལ་མི་དེ་ མནོ་བསམ་གཏང་མ་ཚུགས་པའི་ ལོག་ལྟ་ཅན་གྱི་ ལཱ་ངན་ཅིག་ཨིན་པས་ཟེར་ བཤད་ཡོདཔ་ད་ དེ་ཡང་ གནོད་འཚུབ་ཐེངས་དང་པའི་ཤུལ་ལས་ར་ ས་ཁོངས་དེ་ནང་ གློ་བུར་གྱི་ ལཱ་འབད་མི་ཚུ་ལུ་ དམིགས་གཏད་བསྐྱེད་དེ་བཀལ་ཡོདཔ་སྦེ་བཤད་ནུག།