པཱ་ཀིཛ་ཏཱན་གྱི་ སྨན་ཁང་ཅིག་ལུ་ མེ་རྐྱེན་བྱུང་ཡོདཔ་ལས་ ཨ་ལུ་རྨས་སྐྱེས་ ༡༤ དེ་ཅིག་ལུ་ ཤི་རྐྱེན་བྱུང་ཡོདཔ།

བི་བི་སི།

སྤྱི་ཟླ་ ༨ པའི་ཚེས་ ༢༦ གི་དྲོ་པ་ པཱ་ཀིཛ་ཏཱན་གྱི་རྒྱལ་ས་ ཨིཛ་ལ་མ་བཱད་ལུ་ སྨན་ཁང་གི་ ཁང་མིག་ཅིག་ནང་ མེ་རྐྱེན་བྱུང་ཡོདཔ་ལས་ ཉུང་ཤོས་ར་ ཨ་ལུ་རྨས་སྐྱེས་ ༡༤ དེ་ཅིག་ལུ་ ཤི་རྐྱེན་བྱུང་ནུག།

དེ་ཡང་ ཁྲོམ་སྡེའི་ནང་ རྒྱལ་ཁབ་ཀྱི་ སྨན་ཁང་གཙོ་བོ་ཅིག་ཨིན་མི་ པཱ་ཀིཛ་ཏཱན་ གསོ་བའི་ཚན་རིག་སྤེལ་ཁང་གི་ སྒྲིང་ཁྱིམ་ཐོག་ཚད་ ༣ པའི་ནང་ཡོད་མི་ ཨའི་དང་ ཨ་ལུའི་ལས་ཚན་ལུ་ བྱུང་ཡོདཔ་ཨིན་པས།

དེ་བསྒང་ ཨ་ལུའི་ནད་ཤག་ནང་ ཨ་ལུ་རྨས་སྐྱེས་ ༡༥ ཡོད་མིའི་གྲས་ལས་ ཨ་ལོ་རྨས་སྐྱེས་ ༡ སྲོག་སྐྱབས་འབད་ཚུགས་ཡོདཔ་ད་ མེ་རྐྱེན་དེ་ ཨ་ལུའི་ནད་ཤག་ནང་ཡོད་མི་ ཨེ་ཡར་ཀཱན་ཌི་ཤཱན་ (རླུང་འཕྲུལ་) ལས་ཚན་ཅིག་ལས་ བྱུང་ཡོདཔ་སྦེ་ སྨན་ཁང་གི་ མགྲིན་ཚབ་ཅིག་གིས་ གསལ་བཤད་འབད་ནུག།