མཐོ་རིམ་སློབ་གྲྭ་གསུམ་གྱི་ གཙོ་འཛིན་གསརཔ་ཚུ་ བསྐོ་བཞག་གི་ རྟེན་འབྲེལ་བརྩིས་ཡོདཔ།

པདྨ་དབང་འདུས།

སྤྱི་ཟླ་ ༨ པའི་ཚེས་ ༡༧ ལུ་ གཙུག་ལག་གཙོ་འཛིན་འོག་མའི་ ཡིག་ཚང་ནང་སྦེ་ མཐོ་རིམ་སློབ་གྲྭ་གསུམ་གྱི་ གཙོ་འཛིན་གསརཔ་ཚུ་ བསྐོ་བཞག་གི་ རྟེན་འབྲེལ་བརྩིས་ཡོདཔ་ཨིན་པས།

དེ་ཡང་ མཁས་དབང་བསོད་ནམས་བཀྲིས་དེ་ རང་བཞིན་ཐོན་སྐྱེད་མཐོ་རིམ་སློབ་གྲྭའི་ གཙོ་འཛིན་དང་ མཁས་དབང་ཕུན་ཚོགས་དབང་འདུས་དེ་ སྤ་རོ་ཤེས་རིག་མཐོ་རིམ་སློབ་གྲྭའི་གཙོ་འཛིན་ དེ་ལས་ ཀུན་བཟང་རྒྱལ་མཚན་དེ་ ཤེས་རབ་རྩེ་མཐོ་རིམ་སློབ་གྲྭའི་ གཙོ་འཛིན་སྦེ་ བསྐོ་བཞག་འབད་ནུག།