མི་དབང་མངའ་ཞབས་ལས་ ཚོགས་དཔོན་དང་ ནང་སྲིད་བློན་པོ་ ནུས་ཤུགས་དང་ རང་བཞིན་ཐོན་སྐྱེད་བློན་པོ་ཚུ་ལུ་ བཀྲིས་ལེགས་དར་དང་ ལྡོག་ཕྱོགས་འགོ་ཁྲིདཔ་ལུ་ བཀབ་ནེ་ལི་ཝང་གནང་ཡོདཔ།

སྤྱི་ཟླ་ ༨ པའི་ཚེས་ ༢༧ ལུ་ མི་དབང་མངའ་བདག་རིན་པོ་ཆེའི་ཞབས་ལས་ རྒྱལ་ཡོངས་ཚོགས་འདུའི་ ཚོགས་དཔོན་དང་ ནང་སྲིད་བློན་པོ་ དེ་ལས་ ནུས་ཤུགས་དང་ རང་བཞིན་ཐོན་སྐྱེད་བློན་པོ་ཚུ་ བསྐོ་བཞག་ཐོག་ལུ་ བཀྲིས་ལེགས་དར་ཚུ་ གནང་ཡོདཔ་མ་ཚད་ ལྡོག་ཕྱོགས་འགོ་ཁྲིདཔ་ལུ་ཡང་ བཀབ་ནེ་ལི་ཝང་ གནང་ཡོདཔ་ཨིན་པས།

རྒྱལ་ཡོངས་ཚོགས་འདུའི་ ཚོགས་དཔོན་གསརཔ་ བསྟན་པ་རྡོ་རྗེ་དེ་ ཧེ་མའི་ཚོགས་དཔོན་ དགོངས་ཞུ་འབད་བའི་ཤུལ་ལས་ སྤྱི་ཟླ་ ༨ པའི་ཚེས་ ༡༩ ལུ་ རྒྱལ་ཡོངས་ཚོགས་འདུའི་ དམིགས་བསལ་ལྷན་བཞུགས་ནང་ལས་ བཙག་འཐུ་གྲུབ་ནུག།

ལྷན་རྒྱས་གཞུང་ཚོགས་ནང་ ནང་སྲིད་བློན་པོ་གསརཔ་ ལུང་བསྟན་རྡོ་རྗེ་ བསྐོ་བཞག་གནང་ཡོདཔ་དང་ ནུས་ཤུགས་དང་ རང་བཞིན་ཐོན་སྐྱེད་བློན་པོ་གསརཔ་དེ་ བསོད་ནམས་བཀྲིས་ བསྐོ་བཞག་གནང་ཡོདཔ་ཨིན་པས།

དེ་ལས་ ལྡོག་ཕྱོགས་འགོ་ཁྲིདཔ་ དྲག་ཤོས་པདྨ་ཚེ་དབང་ལུ་ཡང་ བཀབ་ནེ་ལི་ཝང་ གནང་ཡོད་པའི་གནས་ཚུལ།