ཡུ་ཨེཛ་གིས་ ཨི་རཱན་ལུ་ རྫས་བམ་བཀོག་ཡོདཔ་ལས་ མི་གྲངས་ ༥ ལུ་ཤི་རྐྱེན།

ཨཱལ་ཇ་ཟི་ར།
སྤྱི་ཟླ་ ༩ པའི་ཚེས་ ༢ ལུ་ ཨི་རཱན་གྱི་ ལྷོ་ཕྱོགས་ཚོ་ཁག་ སི་རིག་ཟེར་སར་ གཉེན་གྱི་རྟེན་འབྲེལ་ཅིག་ བརྩི་སྲུང་སྐབས་ལུ་ ཡུ་ཨེཛ་གིས་ རྫས་བམ་བཀོག་ཡོདཔ་ལས་ ཨ་ལུ་ ༡ རྩིས་ཏེ་ མི་གྲངས་ ༥ ལུ་ ཤི་རྐྱེན་བྱུང་ཡོད་པའི་ ཉེས་འཛུགས་བཀལ་ནུག།
ཨི་རཱན་གྱི་ ཕྱི་འབྲེལ་ལྷན་ཁག་ལས་ ཨེཛ་མེ་ཨེལ་ བཱ་གའི་གིས་ བཤད་དོ་བཟུམ་འབད་བ་ཅིན་ ཀུ་ཧེཛ་ཊག་ ཁྲོམ་སྡེའི་ནང་ཡང་ སྡོད་ཁྱིམ་ཅིག་ལུ་ གནོདཔ་བཀལ་ཡོདཔ་ལས་ ཨམ་སྲུ་དང་ ཨ་ལོ་ཚུ་རྩིས་ཏེ་ མི་གྲངས་ ༥༠ ལྷགཔ་ཅིག་ལུ་ ཤི་རྐྱེན་དང་ རྨ་སྐྱོན་ཚུ་ བྱུང་ནུག་ཟེར་ཨིན་པས།
ཨི་རཱན་གྱི་ ཉེན་སྒྲོལ་ལས་སྡེ་གིས་ སྒྲིང་ཁྱིམ་ཅིག་གི་གྱང་དང་ སྒོ་སྒྲིག་ཚུ་ གཏོར་བཏང་ཡོདཔ་སྦེ་ བཤད་ཡོདཔ་མ་ཚད་ སྨན་ཁང་ཅིག་ནང་ སྨན་བཅོས་འབད་བའི་བསྒང་ཡོད་མི་ ཨ་ལོ་དག་པ་ཅིག་གི་ དཔར་ཚུ་ཡང་ གསལ་སྟོན་འབད་ནུག།

Please follow and like us: