ཡོངས་འབྲེལ་ལུ་བརྟེན་ཏེ་ ཨ་ལོ་ས་ཡ་ ༢༠ དེ་ཅིག་ལུ་ གནོདའཚེ་བྱུང་ཡོདཔ།

རོའི་ཊརཛ།

སྤྱི་ཟླ་ ༩ པའི་ཚེས་ ༣ ལུ་ འཛམ་གླིང་སྤྱི་ཚོགས་ ཨ་ལོའི་གྲོགས་རམ་ཚོགས་པ་གིས་ བཤད་དོ་བཟུམ་འབད་བ་ཅིན་ ཡོངས་འབྲེལ་ལག་ལེན་ལུ་བརྟེན་ཏེ་ རྒྱལ་ཁབ་ ༢༡ གི་ནང་ ལོ་ངོ་ ༡ གི་ ནང་འཁོད་ལུ་ར་ ཨ་ལོ་ས་ཡ་ ༢༠ དེ་ཅིག་ལུ་ འདོད་སྤྱོད་དང་ ལོག་སྤྱོད་ཀྱི་ གནོདའཚེ་བྱུང་ནུག་ཟེར་ཨིན་པས།

དེ་ཡང་ ཨཱཕ་རི་ཀ་དང་ ཨེ་ཤི་ཡ་ ལེ་ཊིན་ཨ་མི་རི་ཀ་ ཤར་ཡུ་རོབ་ཚུ་ནང་ སྐྱེས་ལོ་ ༡༢ ལས་ ༡༧ གྱི་བར་ན་འབད་མི་ ཨ་ལོ་ ༥ ལས་ ༡ ལྷགཔ་ཅིག་གིས་ བརྟག་ཞིབ་མ་འབད་བའི་ཧེ་མར་ ལོ་ངོ་ ༡ གི་ནང་ ཡོངས་འབྲེལ་ཐོག་ལས་ འདོད་སྤྱོད་དང་ ལོག་སྤྱོད་ཀྱི་ གནོད་འཚེ་བྱུང་ཡོདཔ་སྦེ་ སྙན་ཞུའི་ནང་བཀོད་ནུག།