དོ་ཆས་འབག་མི་ གནམ་གྲུ་ཅིག་ལུ་ ཐུག་རྐྱེན་བྱུང་ཡོདཔ་ལས་ མི་ ༥ ལུ་ ཤི་རྐྱེན་དང་ གཞན་མི་ ༥ ལུ་རྨ་སྐྱོན།

བི་བི་སི།

སྤྱི་ཟླ་ ༩ པའི་ཚེས་ ༦ ལུ་ མ་ཡ་མི་ ཨེ་མ་ཟཱོན་གྱི་ དོ་ཆས་འབག་མི་ གནམ་གྲུ་ཅིག་ རྒྱལ་སྤྱི་གནམ་གྲུ་ཐང་ནང་ ཆགས་ནི་འབད་བའི་སྐབས་ལུ་ གནམ་གྲུའི་རྒྱུག་ལམ་བརྒལ་ཏེ་ བྱིག་ཡར་སོངཔ་ལས་ མི་ ༥ ལུ་ ཤི་རྐྱེན་དང་ གཞན་མི་ ༥ ལུ་ རྨ་སྐྱོན་སྦོམ་བྱུང་ནུག།

དེ་ཡང་ དོ་ཆས་འབག་མི་ གནམ་གྲུ་བཱོ་ཡིང་ ༧༦༧-༣༠༠ དེ་ ས་གནས་ཀྱི་ ཉིན་མའི་ཆུ་ཚོད་ ༢ དེ་ཅིག་ཁར་ པུ་ཡེར་ཊོ་རི་ཀོ་ སཱན་ཇ་འཱུན་ལུ་ཡོད་མི་ ལུ་ཡིཛ་མུ་ནོཛ་མ་རིན་ རྒྱལ་སྤྱི་གནམ་གྲུ་ཐང་ལས་ འཕུར་འགྲུལ་འབད་བའི་སྐབས་ལུ་ ཐུག་རྐྱེན་བྱུང་ཡོདཔ་ད་ དེ་བསྒང་ ས་ཁོངས་དེ་ནང་ཡོད་མི་ སྣུམ་འཁོར་ལེ་ཤ་ཅིག་ལུ་ཡང་ གནོད་སྐྱོན་བྱུང་ཡོདཔ་ཨིན་པས།

དེ་སྦེ་ ཐུག་རྐྱེན་བྱུང་པའི་ཤུལ་ལུ་ ཞི་བའི་མཁའ་འགྲུལ་ལས་སྡེའི་ བདག་སྐྱོང་གིས་ གནམ་གྲུ་དེ་ཚུ་ག་ར་ གནས་སྐབས་ཅིག་ འཕུར་འགྲུལ་འབད་ནི་ལས་ བཀག་དམ་འབད་ནུག་ཟེར་ བཀོད་འདུག་པའི་གནས་ཚུལ།