ཕི་ལི་པིན་གྱི་ གྲུ་ཆུང་ཅིག་ལུ་ མེ་རྐྱེན་བྱུང་མའི་ནང་ མི་ ༥ ལུ་ ཤི་རྐྱེན་དང་ ༨༦ བྱང་སྟོར།

བི་བི་སི།

སྤྱི་ཟླ་ ༩ པའི་ཚེས་ ༡༠ ལུ་ ཕི་ལི་པིན་གྱི་ མཚོ་མཐའི་སྲུང་རྒྱབ་ཀྱིས་ བཤད་དོ་བཟུམ་འབད་བ་ཅིན་ ཕི་ལི་པིན་གྱི་ གྲུ་ཆུང་ཅིག་ལུ་ མེ་རྐྱེན་བྱུང་ཡོདཔ་ལས་ མི་གྲངས་ ༥ ལུ་ ཤི་རྐྱེན་དང་ གཞན་མི་ ༨༦ དེ་ཅིག་ བྱང་སྟོར་ཤོར་ནུག་ཟེར་ཨིན་པས།

དེ་ཡང་ ཕི་ལི་པིནགྱི་རྒྱལ་ས་ མ་ནི་ལ་ལས་ འགྲུལ་པ་ ༡༡༧ དང་ ལས་བྱེདཔ་ ༡༧ འབག་སྟེ་ འགྲུལ་བསྐྱོད་འབད་མི་ གྲུ་ཆུང་ཨེམ་ཝི་ ཇུན་ཨེཛ་ཊར་དེ་ ཀོ་རཱོན་ལུ་ཡོད་མི་ བལྟ་བཤལ་ས་ཁོངས་ཀྱི་ ཉེ་འདབས་ལུ་ལྷོདཔ་ད་ མེ་རྐྱེན་བྱུང་ཡོདཔ་སྦེ་བཀོད་ནུག།