ར་ཤི་ཡ་གིས་ ཡུ་ཀེ་རེན་ལུ་ གནོད་འཚུབ་བཀལ་མིའི་ནང་ མི་ ༥ ལུ་ ཤི་རྐྱེན་དང་ གཞན་མི་ ༦༧ ལུ་རྨ་སྐྱོན།

བི་བི་སི།

སྤྱི་ཟླ་ ༩ པའི་ཚེས་ ༡༡ ལུ་ ཡུ་ཀེ་རེན་གྱི་ འགོ་དཔོན་ཚུ་གིས་ བཤད་དོ་བཟུམ་འབད་བ་ཅིན་ ར་ཤི་ཡའི་ མཁའ་དམག་རང་སྒུལ་འཕྲུལ་ཆས་ ཌྲཱོན་གྱི་ཐོག་ལས་ ཡུ་ཀེ་རེན་གྱི་ ལུང་ཕྱོགས་ཁྲོམ་སྡེ་ ཌི་ནི་པོ་རོ་པེ་ཊོབ་ལུ་ཡོད་མི་ པབ་ལོ་རཱཌ་ཟེར་སར་ ཚོང་འབྲེལ་སྒྲིང་ཁྱིམ་ཅིག་ལུ་ གནོད་འཚུབ་བཀལ་ཡོདཔ་ལས་ མི་ ༥ ལུ་ ཤི་རྐྱེན་དང་ གཞན་མི་ ༦༧ ལུ་ རྨ་སྐྱོན་བྱུང་ནུག་ཟེར་ཨིན་པས།

གནོད་འཚུབ་དེ་ཡང་ གནམ་ཉིན་མར་ བཀལ་ཡོདཔ་ལས་ དེ་བསྒང་ ཁྲོམ་ལམ་བདའ་སྟེ་ མི་མང་དང་ ཚོང་ཁང་ སྣུམ་འཁོར་ཚུ་ མང་རབས་ཅིག་ རྒྱུན་འགྲུལ་འཐབ་སྟེ་ཡོད་པའི་སྐོར་ལས་ ཡུ་ཀེ་རེན་གྱི་ ནང་སྲིད་བློན་པོ་ ཨི་ཝཱན་ཝི་ཧིབ་སི་ཀི་གིས་ གསལ་བཤད་འབད་ནུག།