གཞུང་གྲྭ་ཚང་གི་ རྡོ་རྗེ་སློབ་དཔོན་སྐུ་བགྲེས་ ངག་དབང་བསྟན་འཛིན་མཆོག་ དགོངས་པ་ཆོས་དབྱིངས་ལུ་ཐིམ་ཡོདཔ།

རང་ཟླ་ ༧ པའི་ཚེས་ ༢༥ སྤྱི་ཟླ་ ༩ པའི་ཚེས་ ༦ ལུ་ ཉིན་མའི་ཆུ་ཚོད་ ༡༡ དེ་ཅིག་ཁར་ གཞུང་གྲྭ་ཚང་གི་ རྡོ་རྗེ་སློབ་དཔོན་སྐུ་བགྲེས་ ངག་དབང་བསྟན་འཛིན་མཆོག་ སྤ་རོ་འབྲང་རྒྱས་དགོན་པའི་ སྒྲུབ་ཁང་ནང་སྦེ་ དགོངས་པ་ཆོས་དབྱིངས་ལུ་ ཐིམ་ཡོདཔ་ད་ ད་རེས་ འོད་གསལ་གྱི་ ཐུགས་དམ་ངང་ལུ་ བཞུགས་ཏེ་ཡོདཔ་ཨིན་པས།

དེ་ཚེ་ གཞུང་གྲྭ་ཚང་གི་ ལས་ཚོགས་སློབ་དཔོན་མཆོག་ དབུ་བཞུགས་ཐོག་ལུ་ དགེ་འདུན་འདུས་པ་རྒྱ་མཚོ་གིས་ ཐིམ་ཕུ་བཀྲ་ཤིས་ཆོས་རྫོང་གི་ ཀུན་ར་ནང་སྦེ་ མཆོད་མེ་སྟོང་མཆོད་ཕུལ་ཏེ་ བསྔོ་སྨོན་དང་ གསོལ་འདེབས་ཚུ་གནང་ནུག།

Please follow and like us: