མི་དབང་མངའ་བདག་རིན་པོ་ཆེའི་ཞབས་ལས་ གཞུང་དྲུང་ཆེན་ ༢ གསར་བསྐོས་ཐོག་ལུ་ བཀྲ་ཤིས་ལེགས་དར་གནང་ཡོདཔ།

སྤྱི་ཟླ་ ༩ པའི་ཚེས་ ༡༢ ལུ་ མི་དབང་མངའ་བདག་རིན་པོ་ཆེའི་ཞབས་ལས་ བཟོ་གྲྭ་ཚོང་འབྲེལ་དང་ ལཱ་གཡོག་ལྷན་ཁག་གི་ དྲུང་ཆེན་དང་ སོ་ནམ་དང་ སྒོ་ནོར་ལྷན་ཁག་གི་ དྲུང་ཆེན་ ༢ གསར་བསྐོས་ཐོག་ལུ་ བཀྲ་ཤིས་ལེགས་དར་གནང་ནུག།

དེ་ཡང་ མཐའ་ཡས་ལེན་ལུ་ འབྲུག་གི་གཞུང་ཚབ་སྦེ་ ཕྱག་ཞུ་མི་ ཀུན་བཟང་རྡོ་རྗེ་དེ་ བཟོ་གྲྭ་ཚོང་འབྲེལ་དང་ ལཱ་གཡོག་ལྷན་ཁག་གི་ དྲུང་ཆེན་སྦེ་ བསྐོ་བཞག་གནང་ཡོདཔ་ཨིན་པས།

སྒོ་ནོར་ལས་ཁུངས་ནང་ ཡོངས་ཁྱབ་མདོ་ཆེན་སྦེ་ ཕྱག་ཞུ་མི་ ཌོག་ཊར་བཀྲིས་དབྱངས་འཛོམས་རྡོ་རྗེ་དེ་ སོ་ནམ་དང་ སྒོ་ནོར་ལྷན་ཁག་གི་ དྲུང་ཆེན་སྦེ་ བསྐོ་བཞག་གནང་ནུག།