དཔྱེ་གཏམ།

མཉམ་ཅིག་སྡོདན་མཉམ་རོགས་མཐོང་། ཞག་གསུམ་སྡོདན་བླ་མ་ལུ་ཡང་ཕྱག་མི་འཚལ། སྟེང་ཐོག་ཡངསན་འོག་ཐོག་འཕར། འཇམ་རང་འཇམན་ཕྱེ་ཡང་རྐན་སྦྱར། རོགས་ཀྱི་དཔྱལ་བའི་མགུ་ལས་ཤིག་འགྱོ་རུང་མཐོང་། རང་གི་དཔྱལ་བའི་མགུ་ལས་གླངམོ་ཆེ་འགྱོ་རུང་མི་མཐོང་། རྒྱུ་བར་སྟོང་གཏང་ཚེ་སྦྱིན་པ་མིན། རང་འགྱེལཝ་མ་ཚོར་བར། གཞན་གཡོཝ་ཚོར་ནི་ཡོད། ཟླཝ་ཤརཝ་ད་ཉིམ་མ་བརྗེད། རྟ་གསོ་བའི་དྲིན་ལན་རྡོག་ཐལ་འཇལ། མེ་ཕར་འཕུ། རྒྱ་བོ་ཚུར་འཚིག། གདོང་ཁའི་དགྲ་མ་མཐོང་པར། རྒྱབ་ཁའི་དཔུང་ལུ་ངོམ་ནི་མི་འོང་། ཡོདཔ་རང་ལས་བཏོན། མེདཔ་རོགས་ལས་འཚོལ། ཚྭ་ཁ་བཟངན། རྒྱོ་ཁ་བཟང་། མེ་དཀྲོགས་ཤི། མཇེ་དཀྲོགས་ལོང་། རྒྱུགས་མ་སྤགས་ཀྱི་གྲས་ཁར་མི་ཚུད། སྟག་མཆོངས་སར། ཝམ་གྱིས་མཆོགས་མི་ཚུགས།…

འཕྲོ་མཐུད།

ཕྱི་ཁའི་དགྲ་བཏུལཝ་ལས། ནང་གི་གཉེན་སྐྱོངམ་དྲག། མོ་རེངས་མོའི་གྱོས་སྐོར་དང་། ཐལ་བའི་ལབ་རྩ་འདྲ། ལྷ་འདྲེ་མི་གསུམ་སྤྱོད་ལམ་ཅིག། ནང་རྫས་ལེགས་ངོ་མ་ཤེསཔ་ལས། པགས་ཀོའི་སྐྱོན་བཤད་མ་རྐྱབ། མེད་པར་འབག་ཤོག་དང་། ཤི་བ་ལོག་ཤོག་ཟེར་ཝ་མེད། ཁ་ཚིག་རླུང་གིས་འབག། ལཱ་སྐོར་སྤང་ནང་ལུས། བཅོམ་ལྡན་འདས་ལུ་ཀ་ཁ་སྟོན་མིན་དགོ། འཇིག་རྟེན་རྒས་པར་ལཱ་བཀོད་རྐྱབ་མིན་དགོ། ཞྭམོ་སེརཔོ་མགུ་ཏོག་ཁར་མཛེས། མེ་ཏོག་སེརཔོ་སྤང་ནང་མཛེས། དང་ཕུ་ང་ཡང་ཁྱོད་འདྲ། ཤུལ་ལས་ཁྱོད་ཡང་ང་འདྲ། ཁྱི་དང་ཨོ་རོ་བུད་མེད་གསུམ། སྦྱིན་པ་གཏང་པའི་གྲལ་མི་ཚུད། གཞོན་དུས་སེམས་ཀྱིས་མ་འབད། རྒས་དུས་ལུས་ཀྱིས་མ་ལྕོགས། རང་མ་ཤེསཔ་རོགས་ལུ་དྲིས། སྐྱིད་རུང་ཉལ་ཏེ་མ་ཟ། སྡུག་རུང་ལོང་སྟེ་མ་ཟ།…

འཕྲོ་མཐུད།