བློ་ཟེ།

ཡར་ཚལ་ནང་ལེ་ཀོ་མིག་དམར་ཅིག །ཡར་སྒང་གི་སྟོང་སྟོང་བྱ་པོ་གཉིས། །བྱ་བྱ་ལུས་ཐོབ་འདྲན་འདྲ་ཨིན། །ནམ་དུས་བཟུང་བ་ང་ལྷག་པས། །དཔྱེ་མ་གཞི་འདི་དང་ཆ་འདྲཝ་ཅིག །ཁྱོད་གཡུས་ཀྱི་སྨན་ཆུང་བུམོ་གི་གཅིག །ང་རྫོང་གི་ཚོ་མ་སྒར་པ་གཉིས། །མི་ལུས་ཐོབ་འདྲན་འདྲ་ཨིན། །སྐྱེསཔ་ཕོ་ལུས་ཐོབ་པ་ང་ལྷགཔས། །བྱ་ལུས་མ་ཐོབ་བྱལུས་ཐོབ། །བྱ་ལྟས་ཕངས་ལུས་ལུ་ཐོབ་ལས་འདི། །ཆུངམ་སྒོང་རྡོག་ཙམ་ལས་ཡལ་སོངམ་དྲག །དཔྱེ་མ་ཤེས་འདི་དང་ཆ་འདྲཝ་ཅིག །མི་ལུས་མ་ཐོབ་མི་ལུས་ཐོབ། །ཟམི་བུད་མེད་ལུས་ལུ་ཐོབ་ལས་འདི། །ཡུམ་ཨ་མའི་ལུས་ལས་ཡལ་སོངམ་དྲག །ཁྱོད་ངོ་རིས་དཔོན་གྱི་བུམོ་ལེགས་པས། །རང་ལྟ་དགོ་རང་གི་བརྩེ་མཛའ་བདེ། །དཔྱེ་མ་གཞི་འདི་དང་ཆ་འདྲཝ་ཅིག །དགའཝ་བརྩེ་ལུ་དགའཝ་དམ་ཚིག་ཨིན། །ཁྱོད་དམ་ཚིག་མེད་པའི་བརྩེ་མཛའ་འབདན། །ཁྱོད་ལྷ་བས་ལེགས་རུང་ང་མིན་དགོ ། བྱ་འཕུར་བ་བྱ་མདངས་ཕོ་གཅིག་འཕུར།…

འཕྲོ་མཐུད།

ངི་གཉའ་སྟོད་དར་གྱི་ར་ཅུང་། །ང་ར་ཅུང་ལེགས་པའི་དུས་ཚོད། །ཟམོ་རང་གི་བཟང་གོས་འབད་ཡི། །ད་རག་ཅུང་རྒས་པར་གྱུརཝ་ལས། །ཆུ་ཁྱུ་གཟར་ལས་ཁྱུ། །སྤང་གསེར་ཤོག་སྤང་ལུ་བརྡལ་བཞག་ཡོད། །མཉམ་རོགས་ཁྱོད་ཀྱིས་འཐུ་སྟེ། །ཁྱོད་ཐོབ་ཅི་མནོ་སྟེ་སེམས་དགའ་རུང་། །ངིའི་ལགཔ་ལས་ཤོར་རུང་བློ་མི་འཁོལ། ། ང་ཆུ་ཆེན་བརྒལ་དགོ་མནོཝ། །བསམ་དང་ཡིད་ལུ་མེདཔ་ཨིན། །རང་ཟམ་ལྕགས་ཆུ་གིས་འབག་སོངཔ་ལས། །མ་བརྒལ་བྱ་ཐབས་མིན་འདུག །བྱ་ཁུ་བྱུག་འཕུར་དགོ་མནོཝ། །བསམ་དང་ཡིད་ལུ་མེདཔ་ཨིན། །རང་གཤོག་སྒྲོ་རླུང་གིས་གཡབ་ལས། །མ་འཕུར་བ་ཡང་འཐབ་མིན་འདུག །དཔྱེ་མ་ཤེསན་འདི་དང་ཆ་འདྲཝ་ཅིག །ང་འཐབ་གེ་རྒྱགས་གེ་མནོཝ། །བསམ་དང་ཡིད་ལུ་མེདཔ་ཨིན། །ཉིནམ་ད་རེས་གདོང་བསྐོར་རྐྱབ་སྟེ། །ང་མ་འཐབ་བྱ་ཐབས་མིན་འདུག །…

འཕྲོ་མཐུད།

ཡར་དགུང་ཧིང་ཡས་ཀྱི་ཚལ་ལུ། །ལེགས་རུང་བཏོག་པར་མི་ལྷོད། །རང་ས་གཞི་མས་ཀྱི་ངང་ལྷ། །མངར་རུང་ཟ་བར་མི་ལྷོད། །མངར་སྐྱུ་ལྡན་པའི་ཧུམ་པ། །ས་ཕྱོགས་འདི་ཁར་མིན་ནུག །དཔྱེ་མ་ཤེསན་འདི་དང་ཆ་འདྲཝ་ཅིག །ཁྱོད་གཡུས་ཀྱི་སྨིན་ཆུང་བུམོ། །བྱད་དང་ངོ་རིས་ཡོད་རུང་། །སྔོན་ལས་ཀྱིས་བསྐོས་པའི་སྨིན་ཆུང་། །ས་ཕྱོགས་འདི་ཁར་མིན་འདུག ། ཤར་ཁོ་ཐང་ལ་ཡི་ལ་ཐར་ན། །གླང་བདག་ཅན་གཅིག་དང་བདག་མེད་གཉིས། །བདག་ཅན་དཔོན་གྱི་འཐབ་གླང་ཨིན། །བདག་མེད་ཕྱུག་པོའི་རྨོ་གླང་འབད། །གླང་རྭ་དཀར་མདངས་དང་ལྡན་མི་འདི། །སྒརཔ་རང་གི་རྨོ་གླང་འབདན། །ཁྱོད་གཡུས་ཀྱི་སྨིན་ཆུང་བུམོ་གིས། །གཏམ་ལོ་རྒྱུས་ག་དེ་ཟེར་ནི་སྨོ། ། ས་སྒང་གི་སྟོང་ཕུ་མགོ་གསུམ་འདི། །རྩེ་ཕོད་ཀ་རྒྱགས་པའི་དུས་ཚོད། །བྱ་ཐང་ཀ་རལ་པའི་སེམས་གསོ།…

འཕྲོ་མཐུད།

ཁྱོད་གཡུས་ཀྱི་སྨིན་ཆུང་བུམོ་འདི། །ས་ཕྱོགས་ག་ལས་འོང་འོངམ་སྨོ།། ཁྱོད་མིང་ལུ་ག་ཅི་ཟེརཝ་སྨོ། །ཁྱོད་སྨིན་ཆུང་བུ་མོའི་ལོ་རྒྱུས། །ཚོ་མ་ང་ལུ་སླབ་གནང་མས།།སྒརཔ་རང་དང་སེམས་ཀྱི་རེ་བ་ལུ། །བུམོ་ཁྱོད་ཀྱི་ལོ་རྒྱུས་དྲིས་མི་འདི།། འཕྲལ་ཧིང་གཏམ་བཤད་རུང་བཤད་ངོ་བདེ། །མཇུག་གཉེན་གྲོགས་བསྡོམ་རུང་བསྡོམ་ངོ་བདེ།།ཚོ་མ་ངེད་ཀྱི་ལོ་རྒྱུས། །སྨིན་ཆུང་ཁྱོད་ལུ་བཤད་པ་ཅིན། །བྱིན་རླབས་ཅན་གྱི་རྫོང་ཆེན། །རྫོང་སྤུངས་ཐང་བདེ་ཆེན་བཞེངས་མི། །སྤྲུལ་པའི་བཟོ་བོ་བ་ལིབ། །གཡུས་བ་ལིས་གཡུས་ལས་ཨིན་མས། །ང་ཡང་བ་ལིབ་གཡུས་ལས་ཨིན། །ངེད་མིང་འདི་ཁྱོད་ལུ་སླབ་པ་ཅིན། །ངེད་མིང་ཀུན་ལེགས་ཚེ་རིང་ཨིན།།ས་སྒང་གི་ཨེ་ཏོག་མེ་ཏོག་གཅིག །ཡར་གངས་ཀྱི་ཆུ་དཀར་མེ་ཏོག་གཉིས། །མར་ལྡུམ་ར་སེར་ཤོག་མེ་ཏོག་གསུམ། །རྩཝ་སྐྱེས་ས་མ་གཅིག་སོ་སོར་ཨིན། །ཚེ་སྔོན་གྱི་སྨོན་ལམ་རྒྱ་ཆེ་སྟེ། །ཡར་འཛོམས་ས་མཆོད་བཤམས་ཁྲ་མོར་མས། །འཛོམས་བྲལ་བ་མེད་པའི་སྨོན་ལམ། །ཡར་དཀོན་མཆོག་གསུམ་ལས་ཞུ་གེ་མས། །

འཕྲོ་མཐུད།

སྒརཔ་ཁྱོད་དང་ཧུམ་པ་སྦབ་ཅུང་འདྲ། །ཟམོ་ང་དང་གྱི་ཅུང་དཔྱལ་ཐལ་འདྲ། །ང་གྱི་ཅུང་དཔྱལ་ཐལ་འོངམ་ལས། །ཁྱོད་ཧུམ་པ་སྦབ་ཅུང་སྡོད་རྒྱུ་མེད། །སྡོད་རྒྱུ་མེད་རུང་ཨ་ཙི་སྡོད། །ང་གྱི་ཅུང་དཔྱལ་ཐལ་འོངམ་ལས། །ཁྱོད་བཞོགས་ཅི་བཞོགས་ཅི་བཀོ་ད། ། ཨམ་སྲིན་མོ་རྒྱལ་མོའི་སྒོ་ཁར། །གླང་ལས་དབང་ཅན་གྱི་དཔལ་རྟགས་ཡོད། །ཨ་ཕོག་རེ་རེ་གཏངམ་ད། །ལུད་ཕུང་དགུ་དགུ་བསགསཔ་ཨིན། །རྭ་ཕོག་རེ་རེ་རྐྱབ་ད། །བར་ཚིག་དགུ་དགུ་བརྡལཝ་ཨིན། །གོམ་ཐེངས་རེ་རེ་སྤོཝ་ད། །རྡོ་གཅལ་བཞི་བཀག་རྐྱབ་ཨིན། ། ཧིག་ཐེངས་རེ་རེ་རྐྱབ་ད།   །ཐགཔ་པགས་ཐག་དགུ་དགུ་བཏོགཔ་ཨིན། ། རི་ཕ་ཁའི་རི་དང་ཚུར་གྱི་རི། །ཕར་ཁའི་རི་འདི་སྒ་མ་རི། །ཚུར་ཁའི་རི་འདི་སྤག་ཤིང་རི། །རི་དེ་ཚུ་གསུང་གྲོས་མེད་མི་འདི།…

འཕྲོ་མཐུད།