ཕུ་ལ་དགོན་པ་མི་ཆགས་དགོན་པ་ཆགས།

ཕུ་ལ་དགོན་པ་མི་ཆགས་དགོན་པ་ཆགས། །ཕུ་ལ་དགོན་པ་སེ་ར་འབྲས་སྤུངས་ཆགས། །སེ་ར་མཎྜལ་གཞུང་ནས་སངས་རྒྱས་འཁྲུངས། །དམ་ཆོས་བོད་ལ་དར་བ་འདི་ལས་ཡིན། །རྗེ་བཙུན་སྒྲོལ་མའི་འཁྲུངས་ས་ལྷོ་ནས་ཡིན། ། ལྷོ་པ་མོས་གུས་ཆེ་བ་འདི་ལས་ཡིན། །
ཡར་གྱི་གངས་སྟོད་མཐོན་པོ་མཐོ་མི་མཐོ། །ཡར་གྱི་གངས་སྟོད་མཐོན་པོ་ལོས་ཀྱང་མཐོ། །གཏན་འཇགས་་ཁ་བ་བུ་ཡུག་བབས་ས་ཡིན། །མས་ཀྱི་གཙང་ཆབ་ཆུ་མོ་རིང་མི་རིང། །མས་ཀྱི་གཙང་ཆབ་ཆུ་མོ་ལོས་ཀྱང་རིང། །གཏན་འཇགས་གསེར་མིག་ཉ་མོ་འཁྱམས་ས་ཡིན། །
ཕར་གྱི་སྤང་གཤོང་བདེ་མོ་བདེ་མི་བདེ། །ཕར་གྱི་སྤང་གཤོང་བདེ་མོ་ལོས་ཀྱང་བདེ། །གཏན་འཇགས་ཤ་བ་ཕོ་མོ་འཁྱམས་ས་ཡིན། །ཕར་གྱི་ཡུལ་བཟང་བདེ་མོ་དགའ་མི་དགའ། །ཕར་གྱི་ཡུལ་བཟང་བདེ་མོ་ལོས་ཀྱང་དགའ། །གཏན་འཇགས་ཕ་མ་གཉིས་ཀུ་འཁྱམས་ས་ཨིན། །

Please follow and like us: