གླུ་གར་མཆོད་པ་མི་ཕུལ་མཆོད་པ་ཕུལ།

གླུ་གར་མཆོད་པ་མི་ཕུལ་མཆོད་པ་ཕུལ། །མཆོད་པ་དང་པ་རྩ་གསུམ་ལྷ་ལ་ཕུལ། །གླུ་གར་དར་ཞིང་རྒྱས་པའི་དངོས་གྲུབ་ཞུ། །ཚོགས་གཉིས་ཡོངས་སུ་རྫོགས་པར་བྱིན་གྱིས་རློབས། །
གླུ་གར་མཆོད་པ་མི་ཕུལ་མཆོད་པ་ཕུལ། །མཆོད་པ་གཉིས་པ་བླ་མ་རྣམས་ལ་ཕུལ། །གླུ་གར་དར་ཞིང་རྒྱས་པའི་དངོས་གྲུབ་ཞུ། །སེམས་ཀྱི་གནས་ལུགས་རྟོགས་པར་བྱིན་གྱིས་རློབས། །
གླུ་གར་མཆོད་པ་མི་ཕུལ་མཆོད་པ་ཕུལ། །མཆོད་པ་གསུམ་པ་ཡི་དམ་ལྷ་ལ་ཕུལ། །གླུ་གར་དར་ཞིང་རྒྱས་པའི་དངོས་གྲུབ་ཞུ། །མཆོག་མཐུན་དངོས་གྲུབ་ཐོབ་པར་བྱིན་གྱིས་རློབས། །
གླུ་གར་མཆོད་པ་མི་ཕུལ་མཆོད་པ་ཕུལ། །མཆོད་པ་བཞི་པ་མ་དང་མཁའ་འགྲོར་ཕུལ། །གླུ་གར་དར་ཞིང་རྒྱས་པའི་དངོས་གྲུབ་ཞུ། །ས་ལམ་བར་ཆད་ཞི་བར་བྱིན་གྱིས་རློབས། །
གླུ་གར་མཆོད་པ་མི་ཕུལ་མཆོད་པ་ཕུལ། །མཆོད་པ་ལྔ་པ་ཆོས་སྐྱོང་ཚོགས་ལ་ཕུལ། །གླུ་གར་དར་ཞིང་རྒྱས་པའི་དངོས་གྲུབ་ཞུ། །སངས་རྒྱས་བསྟན་པ་རྒྱས་པར་བྱིན་གྱིས་རློབས། །
གླུ་གར་མཆོད་པ་མི་ཕུལ་མཆོད་པ་ཕུལ། །མཆོད་པ་དྲུག་པ་མཆེད་གྲོགས་རྣམས་ལ་ཕུལ། །གླུ་གར་དར་ཞིང་རྒྱས་པའི་དངོས་གྲུབ་ཞུ། །ལྟད་མོ་གཟིགས་པར་བྱོན་ནས། ༑ཐུགས་སྤྲོ་རྒྱས་པ་ལེགས་སོ། །
ན་གཞོན་བུ་དང་བུ་མོས། །དགའ་བའི་གླུ་ཞིག་ལེན་ཡོད། །སྐྱིད་པའི་བྲོ་ཞིག་འཁྲབ་ཡོད། །དགྱེས་པའི་སྤྱན་གྱིས་གཟིགས་ཤོག །

Please follow and like us: