བློ་ཟེ་དགའ་བའི་མེ་ཏོག།

ཁྱོད་གཡུས་ཀྱི་སྨིན་ཆུང་བུམོ་འདི། །ས་ཕྱོགས་ག་ལས་འོང་འོངམ་སྨོ།། ཁྱོད་མིང་ལུ་ག་ཅི་ཟེརཝ་སྨོ། །ཁྱོད་སྨིན་ཆུང་བུ་མོའི་ལོ་རྒྱུས། །ཚོ་མ་ང་ལུ་སླབ་གནང་མས།།
སྒརཔ་རང་དང་སེམས་ཀྱི་རེ་བ་ལུ། །བུམོ་ཁྱོད་ཀྱི་ལོ་རྒྱུས་དྲིས་མི་འདི།། འཕྲལ་ཧིང་གཏམ་བཤད་རུང་བཤད་ངོ་བདེ། །མཇུག་གཉེན་གྲོགས་བསྡོམ་རུང་བསྡོམ་ངོ་བདེ།།
ཚོ་མ་ངེད་ཀྱི་ལོ་རྒྱུས། །སྨིན་ཆུང་ཁྱོད་ལུ་བཤད་པ་ཅིན། །བྱིན་རླབས་ཅན་གྱི་རྫོང་ཆེན། །རྫོང་སྤུངས་ཐང་བདེ་ཆེན་བཞེངས་མི། །སྤྲུལ་པའི་བཟོ་བོ་བ་ལིབ། །གཡུས་བ་ལིས་གཡུས་ལས་ཨིན་མས། །ང་ཡང་བ་ལིབ་གཡུས་ལས་ཨིན། །ངེད་མིང་འདི་ཁྱོད་ལུ་སླབ་པ་ཅིན། །ངེད་མིང་ཀུན་ལེགས་ཚེ་རིང་ཨིན།།
ས་སྒང་གི་ཨེ་ཏོག་མེ་ཏོག་གཅིག །ཡར་གངས་ཀྱི་ཆུ་དཀར་མེ་ཏོག་གཉིས། །མར་ལྡུམ་ར་སེར་ཤོག་མེ་ཏོག་གསུམ། །རྩཝ་སྐྱེས་ས་མ་གཅིག་སོ་སོར་ཨིན། །ཚེ་སྔོན་གྱི་སྨོན་ལམ་རྒྱ་ཆེ་སྟེ། །ཡར་འཛོམས་ས་མཆོད་བཤམས་ཁྲ་མོར་མས། །འཛོམས་བྲལ་བ་མེད་པའི་སྨོན་ལམ། །ཡར་དཀོན་མཆོག་གསུམ་ལས་ཞུ་གེ་མས། །

Please follow and like us: