མོང་སྒར་དང་ རྒྱལ་པོའི་ཞིང་ལུ་ རྒྱལ་འཛིན་མེ་ཏོག་འགྲེམ་སྟོན།

ཨྱོན་ཚེ་རིང་།
སྤྱི་ཟླ་ ༥ པའི་ཚེས་ ༦ ལུ་ མི་དབང་རྒྱལ་ཡུམ་ ཚེ་རིང་གཡང་སྒྲོན་དབང་ཕྱུག་མཆོག་དང་ མི་དབང་རྒྱལ་ཚབ་ འཇིགས་མེད་རྡོ་རྗེ་དབང་ཕྱུག་ ཨ་ཞེ་ཡིད་མཚོ་ཚུ་ མོང་སྒར་རྒྱལ་པོའི་ཞིང་ལུ་ འབྲུག་རྒྱལ་འཛིན་མེ་ཏོག་འགྲེམ་སྟོན་ ཐེངས་ ༧ པ་ མཇུག་བསྡུའི་རྟེན་འབྲེལ་ནང་ ཆིབས་བསྐྱོད་གནང་ནུག།
དེ་ཡང་ སྤྱི་ཟླ་ ༥ པའི་ཚེས་ ༢ ལས་ འགོ་བཙུགས་ཡོདཔ་ད་ མཐར་འཁྱོལ་ཅན་གྱི་ མེ་ཏོག་འགྲེམ་སྟོན་དེ་ མཇུག་བསྡུ་བའི་ཤུལ་ལུ་ སོ་ནམ་དང་ ནགས་འཚལ་ལྷན་ཁག་གིས་ མེ་ཏོག་ལྡུམ་ར་དེ་ གཏན་འཇགས་ཀྱི་དོན་ལས་ མོང་སྒར་རྫོང་ཁག་ལུ་ རྩིས་སྤྲོད་འབད་ཡོདཔ་ཨིན་པས།
མེ་ཏོག་འགྲེམ་སྟོན་དེ་ནང་ དངོས་སུ་སྦེ་ བལྟ་སྐོར་ལུ་ ལྷོད་མ་ཚུགས་མི་ཚུ་གི་དོན་ལས་ རྒྱལ་པོའི་ཞིང་ བརྡ་དོན་དང་ འཕྲུལ་རིག་མཐོ་རིམ་སློབ་གྲྭའི་ རྒྱབ་སྐྱོར་ཐོག་ལས་ སྤྱི་ཟླ་ ༥ པའི་ཚེས་ ༢༡ ལུ་ ཡོངས་འབྲེལ་འཆར་སྒོ་ www.flora.bt ཐོག་ལས་ གསལ་སྟོན་འབད་ནི་ཨིན་པའི་གནས་ཚུལ།