རྒྱ་ནག་གིས་ མཁའ་དམག་གནམ་གྲུ་  ༣༠ ཏཱ་ཡེ་ཝཱན་གྱི་ སྲུང་སྐྱོབ་ས་ཁོངས་ནང་བཏང་ཡོདཔ།

བི་བི་སི།

སྤྱི་ཟླ་ ༥ པའི་ཚེས་ ༣༡ ལུ་ ཏཱ་ཡེ་ཝཱན་གྱིས་ བཤད་དོ་བཟུམ་འབད་བ་ཅིན་ ཁོང་གི་མཁའ་དམག་སྲུང་སྐྱོབ་ས་ཁོངས་ནང་ རྒྱ་ནག་གིས་ མཁའ་དམག་གནམ་གྲུ་ ༣༠ བཏང་ཡོདཔ་ལས་ ཏཱ་ཡེ་ཝཱན་གྱིས་ཡང་ ཉེན་བརྡའི་དོན་ལུ་ མཁའ་དམག་གནམ་གྲུ་ བཀྲམ་སྤེལ་འབད་ཡི་ཟེར་ཨིན་པས།

དུས་ཅི་ སྤྱི་ཟླ་ ༡ པ་ལས་ འགོ་བཙུགས་ཏེ་ ཕྱི་དམག་བཙན་འཛུལ་འབད་མིའི་གྲས་ལས་ སྤྱི་ཟླ་ ༥ པའི་ཚེས་ ༣༠ ལུ་ བཙན་འཛུལ་འབད་མི་དེ་ ཕྱི་དམག་སྦོམ་ཤོས་ཅིག་ཨིན་པའི་ བརྡ་མཚོན་སྟོན་ཡི་ཟེར་ བཤདཔ་ཨིན་པས།

དེ་ཡང་ ཡུ་ཨེཛ་གི་སྲིན་འཛིན་ ཇཱོ་བཱའི་ཌེན་གྱིས་ རྒྱ་ནག་ལས་ ཏཱ་ཡེ་ཝཱན་ལུ་ བཙན་འཛུལ་འབད་མ་ཆོགཔ་སྦེ་ ཉེན་བརྡ་འབད་བའི་ཤུལ་ལུ་དང་ ཡུ་ཨེཛ་གི་ འགོ་དཔོན་ཚུ་ཡང་ མཚོ་གླིང་དེ་ཁར་ སྲུང་སྐྱོབ་ཀྱི་དོན་ལས་ གྲོས་བསྟུན་འབད་བར་འགྱོ་བའི་ ཉིནམ་དང་བསྟུན་ཏེ་བཏང་ནུག།

རྒྱ་ནག་གིས་ དེ་བཟུམ་མའི་ བྱ་ངན་འབད་མི་ལུ་ ཏཱ་ཡེ་ཝཱན་གྱི་ མི་སེར་ཚུ་ ཁོང་ཁྲོ་ལང་ནི་གི་ གཞི་ཅིག་ལུ་ གྱུར་ཡོདཔ་མ་ཚད་ ལུང་ཕྱོགས་དེ་ནང་ ཚ་གྱང་འཐེབ་ཅིག་ར་ ལང་དགོ་པའི་ གཞི་ཅིག་ལུ་ཡང་ གྱུར་སོར་ཡི་ཟེར་ བཤད་ཡོདཔ་ཨིན་པས།

ཏཱ་ཡེ་ཝཱན་དེ་ རྒྱ་ནག་གི་ མངའ་སྡེ་ཅིག་འབདཝ་ལས་ དགོས་མཁོ་འབྱུང་པ་ཅིན་ དབང་བཙོང་གི་སྒོ་ལས་འབད་རུང་ ལེན་ཆོག་ནི་ཨིན་པའི་སྐོར་ལས་ རྒྱ་ནག་གིས་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།