བོ་ལི་ཝི་ཡའི་ སྲིད་འཛིན་བགྲེསཔ་ ཇེ་ནིན་ཨ་ནེཛ་ལུ་ ལོ་ངོ་ ༡༠ གྱི་བཙོན་ཁྲིམས།

བི་བི་སི།
བོ་ལི་ཝི་ཡའི་ སྲིད་འཛིན་བགྲེསཔ་ ཨམ་ཇེ་ནིན་ ཨ་ནེཛ་གིས་ ཧེ་མའི་སྲིད་འཛིན་ ཨི་ཝོ་མོ་ར་ལེཛ་ གཞུང་དབང་བཙན་བཟུང་ཐོག་ལས་ བཏོན་བཏང་ནི་གི་ དཔའ་བཅམ་པའི་ ཉེས་འཛུགས་འབད་དེ་ ལོ་ངོ་ ༡༠ གྱི་ བཙོན་ཁྲིམས་བཀལ་ནུག།
དེ་ཡང་ སྤྱི་ལོ་ ༢༠༡༩ ལས་ སྤྱི་ལོ་ ༢༠༢༠ ཚུན་ ཨམ་ཨ་ནེཛ་དེ་ ཡིག་ཚང་ནང་ ཕྱག་ལཱ་གནང་སྟེ་ བཞུགས་པའི་སྐབས་ལུ་ རྒྱལ་ཁབ་ཀྱི་ རྩ་ཁྲིམས་ཆེན་མོ་དང་འགལ་བའི་ གྲོས་ཆོད་གནང་ཡོདཔ་ཨིན་པས།
དམག་སྡེའི་གཙོ་འཛིན་གྱིས་ བཤད་དོ་བཟུམ་འབད་བ་ཅིན་ སྲིད་འཛིན་བགྲེསཔ་ ཨ་ནེཛ་གིས་ ཧེ་མའི་སྲིད་འཛིན་བགྲེསཔ་ མོ་ར་ལེཛ་ལུ་ དགོངས་ཞུ་འབད་དགོཔ་སྦེ་ སླབ་པའི་ཤུལ་ལས་ མོ་ར་ལེཛ་དེ་ རྒྱལ་ཁབ་སྤང་སྟེ་ བྱོག་བྱོན་སོང་ཡི་ཟེར་ཨིན་པས།
སྐྱེས་ལོ་ ༥༤ འབད་མི་ སྲིད་འཛིན་བགྲེསཔ་ ཨ་ནེཛ་དེ་ གནས་ཡུན་མ་རྫོགས་ཚུན་ཚོད་ ཁྲོམ་སྡེ་ཨམ་སྲུའི་ བཙོན་ཁང་ནང་ བཙོན་ཁྲིམས་འབག་དགོ་ནི་ ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: