རྒྱ་གར་ལུ་ བཙན་ཁྲིད་འབད་ཡོད་པའི་ ཁ་ཉེས་བཀལ་མི་ ཡུ་ཨེཛ་གི་ ཨམ་སྲུ་ཅིག་འཛིན་འཟུང་།     

བི་བི་སི།

སྤྱི་ཟླ་ ༧ པའི་ཚེས་ ༡༨ ལུ་ བཙན་ཁྲིད་འབད་ཡོད་པའི་ ཁ་ཉེས་བཀལ་ཏེ་ གཡོ་སྒྱུ་འབད་མི་ ཡུ་ཨེཛ་གི་ ཨམ་སྲུ་ཅིག་ རྒྱ་གར་གྱི་རྒྱལ་ས་ དིལ་ལི་ལུ་ ཁྲིམས་སྲུང་འགག་སྡེ་གིས་ འཛིན་བཟུང་འབད་ནུག།

སྐྱེས་ལོ་ ༢༧ འབད་མི་ ཨམ་སྲུ་དེ་གིས་ དེ་བཟུམ་མའི་ གཡོ་སྒྱུ་འབད་མི་དེ་ཡང་ མོ་རའི་ལག་པར་ཡོད་མི་ ཏི་རུ་རྫོགས་སོང་ནི་དེ་གིས་ མོ་རའི་ཕམ་ལས་ ཏི་རུ་གཏང་ལེན་ནིའི་དོན་ལུ་ གཡོ་སྒྱུ་འབད་ནུག་ཟེར་ ཁྲིམས་སྲུང་འགག་སྡེ་གིས་ བཤད་ཡོདཔ་ཨིན་པས།

དེ་མ་ཚད་ ཨམ་སྲུ་དེ་དང་ འབྲེལ་བ་ཡོད་མི་ ཨཕ་རི་ཀ་ ནའི་ཇི་རི་ཡ་ལས་ སྐྱེས་ལོ་ ༣༡ འབད་མི་ ཕོ་སྐྱེས་ཅིག་ཡང་ འཛིན་བཟུང་འབད་ཡོདཔ་ད་ ཕོ་སྐྱེས་དེ་གི་ ལམ་ཡིག་དང་ ཨམ་སྲུ་དེ་གི་ སྐྱོད་ཐམ་གྱི་ དུས་ཡུན་རྫོགས་སོངཔ་ལས་ ཆ་གནས་མེད་པའི་ ཡིག་ཆ་འཆང་སྟེ་ རྒྱ་གར་ལུ་ སྡོད་ནུག་ཟེར་ བཀོད་འདུག་པའི་གནས་ཚུལ།