ཡུ་ཀེ་རེན་གྱི་ ཌཱོན་བཱཛ་མངའ་སྡེའི་ནང་ ར་ཤི་ཡ་གིས་ རྫས་བམ་རྐྱབ་སྟེ་ མི་གྲངས་ ༦ དམར་བསད།

ཧིན་དུཛ་ཏཱན།

སྤྱི་ཟླ་ ༧ པའི་ཚེས་ ༡༨ ལུ་ ཡུ་ཀེ་རེན་གྱི་ ཤར་ཕྱོགས་མངའ་སྡེ་ ཌཱོན་བཱཛ་ཟེར་སར་ ར་ཤི་ཡ་གིས་ རྫས་བམ་བཀོག་སྟེ་ མི་གྲངས་ ༦ དམར་བསད་ནུག།

དེ་ཡང་ བེལ་ཇི་ཡམ་གྱི་རྒྱལ་ས་ བུ་རུཛ་སེལཛ་ལུ་ ཡུ་རོ་པི་ཡན་ ཡུ་ནི་ཡན་ཟེར་མི་ ཡུ་རོབ་གཅིག་བསྡོམས་ཚོགས་པའི་ བློན་པོའི་ཞལ་འཛོམས་ནང་ ནུབ་ཕྱོགས་རྒྱལ་ཁབ་ཚུ་གིས་ ར་ཤི་ཡ་ལུ་ ཚོང་འབྲེལ་བཀག་དམ་འབད་མི་དེ་གིས་ ཕན་ཐོགས་ཡོདཔ་སྦེ་ བཤད་ནི་དེ་གིས་ཨིན་པས།

དེ་མ་ཚད་ སྤྱི་ཟླ་ ༧ པའི་ཚེས་ ༡༧ ལུ་ ཡུ་ཀེ་རེན་གྱི་སྲིད་འཛིན་ ཝོ་ལོ་ཌེ་མིར་ ཟེ་ལེནཛ་ཀི་གིས་ འཕྲལ་ཁམས་ཅིག་ཁར་ ཁྲིམས་བསྟར་སྤྱོད་འབད་མི་ འགོདཔོན་གོངམ་ཅིག་ དགོངས་ཕོག་བཏང་སྟེ་ སྲུང་སྐྱོབ་གཙོ་འཛིན་ངོ་ཚབ་ཅིག་ཡང་ གསར་བསྐོས་འབད་ནུག།

དེ་ལས་ ཡུ་ཀེ་རེན་གྱི་ ཌོ་ནེཛ་ཁྲོམ་སྡེའི་ནང་ ར་ཤི་ཡ་གིས་ སྟོབས་རྐྱབ་སྟེ་ སྒྲིང་ཁྱིམ་ཐོག་ ༢ འབད་མི་ཅིག་ སྟོར་བཏང་མིའིནང་ལས་ སྲོག་སྐྱབས་འབད་མི་ཚུ་གིས་ རག་རོ་ཚུ་བརྐོ་སྟེ་ ས་རུག་རྡོ་རུག་འོག་ལས་ མི་རོ་ ༥ བཏོན་ཡོདཔ་མ་ཚད་ ནདཔ་ ༡ ཡང་ ཕྱི་ཁར་བཏོན་ཏེ་ སྨན་ཁང་ནང་བསྐྱལ་བའི་ཤུལ་ལུ་ གྱོངས་སོང་ནུག་ཟེར་ བཀོད་འདུག་པའི་གནས་ཚུལ།