ཡུ་ཨེཛ་ལུ་ མཚན་མ་གཅིག་པའི་བར་ན་ གཉེན་རྐྱབ་མི་ཚུ་ ཉེན་སྲུང་འབད་ནི་གི་ དཔྱད་ཡིག་ཆ་འཇོག།

ཧིན་དུཛ་ཏཱན།

སྤྱི་ཟླ་ ༧ པའི་ཚེས་ ༡༩ ལུ་ ཡུ་ཨེཛ་རྒྱལ་ཁབ་ནང་ མཚན་མ་གཅིག་པའི་བར་ན་ གཉེན་རྐྱབ་མི་ཚུ་ ཉེན་སྲུང་གི་དོན་ལས་ རྒྱལ་ཡོངས་ཚོགས་འདུའི་ འཐུས་མི་ཚུ་གིས་ དཔྱད་ཡིག་ཅིག་ ཆ་འཇོག་མཛད་ཡོདཔ་ཨིན་པས།

དེ་ཡང་ ཚོགས་རྒྱན་སྐྱུར་མི་ འཐུས་མི་བསྡོམས་ ༢༦༧ ཡོད་ས་ལས་ ༡༥༧ གྱིས་ རྒྱབ་སྐྱོར་ཐོག་ལུ་ གཉེན་འབྲེལ་བཅའ་ཁྲིམས་དེ་ ཆ་འཇོག་མཛད་ནུག།

དེ་མ་ཚད་ གཉེན་འབྲེལ་བཅའ་ཁྲིམས་དེ་ལུ་བརྟེན་ཏེ་ ཡུ་ཨེཛ་དང་ རྒྱལ་ཁབ་གཞན་ཁ་ལས་ཕར་ཡང་ མཚན་མ་གཅིག་པའི་བར་ན་ གཉེན་རྐྱབ་མི་ཚུ་ ཡུ་ཨེཛ་གིས་ ངོས་འཛིན་འབད་དགོཔ་ འཐོན་ནི་ཨིནམ་བཞིན་དུ་ དེ་སྦེ་ ཉེན་སྲུང་རྐྱངམ་ཅིག་མིན་པར་ གཉེན་འབྲེལ་གཞན་ཚུ་ཡང་ ཉེན་སྲུང་འབད་ཚུགས་ཟེར་ཨིན་པས།

ད་རུང་ གཉེན་འབྲེལ་དཔྱད་ཡིག་དེ་ལུ་བརྟེན་ཏེ་ སྤྱི་ལོ་ ༡༩༩༦ གི་ རྒྱབ་སྲུང་གཉེན་འབྲེལ་བཅའ་ཁྲིམས་དེ་ ཆ་མེད་ཨིནམ་སྦེ་ བཀོད་འདུག་པའི་གནས་ཚུལ།