ཡུ་ཨེཛ་གི་མངའ་སྡེ་ ཀེན་ཊུག་ཀེ་ལུ་ ཆུ་རུད་ཀྱིས་ མི་གྲངས་ ༡༦ ལུ་ཤི་རྐྱེན།

བི་བི་སི།
སྤྱི་ཟླ་ ༧ པའི་ཚེས་ ༢༩ ལུ་ ཡུ་ཨེཛ་གི་མངའ་སྡེ་ ཀེན་ཊུག་ཀེའི་ ཤར་ཁ་ཐུག་ལུ་ ཆུ་རུད་ཐོན་ཏེ་ མི་གྲངས་ ༡༦ དེ་ཅིག་ལུ་ ཤི་རྐྱེན་བྱུང་ཡོདཔ་སྦེ་ མངའ་སྡེའི་གཙོ་འཛིན་གྱིས་ བཤད་ཡོདཔ་ཨིན་པས།
དེ་ཡང་ ཨ་ལོ་ཆུང་ཀུ་ སྐྱེས་ལོ་ ༡ འབད་མི་ཅིག་དང་ ཨ་ལོ་ན་ཆུང་ ༦ ལུ་ ཤི་རྐྱེན་བྱུང་ཡོདཔ་མ་ཚད་ མངའ་སྡེ་དེ་ནང་ མི་སེར་ ༢༣,༠༠༠ ལྷགཔ་ཅིག་ཡང་ གློག་མེ་མེད་པར་ ལུས་ཡོདཔ་ཨིན་པས།
དེ་མ་ཚད་ མངའ་སྡེའི་གཙོ་འཛིན་གྱིས་ མི་སེར་ག་དེམ་ཅིག་ལུ་ གནོད་སྐྱོན་བྱུང་ཡི་ག་དང་ ག་དེམ་ཅིག་ འཚོལ་མ་ཐོབ་པར་ཡོདཔ་ཨིན་ན་ ད་ལྟོ་ གཏན་འཁེལ་སྦེ་ མི་ཤེས་པས་ཟེར་ བཤད་ཡོདཔ་མ་ཚད་ མངའ་སྡེ་ ༢༨ དེ་ཅིག་གི་ནང་ཡང་ འཁོར་ལམ་ཚུ་ལུ་ གནོད་སྐྱོན་བྱུང་ཡོདཔ་ལས་ ས་ཁོངས་ལ་ལོ་ཅིག་ནང་ འབྲེལ་བ་འཐབ་མ་ཚུགས་པར་ཡོདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: