ཡུ་ཀེ་རེན་དམག་སྡེ་གིས་ ར་ཤི་ཡའི་ དམག་མི་ཚུ་ དམར་བསད་དང་ རྫས་བམ་བཞག་སའི་ མཛོད་ཁང་ ༢ བརླགས་གཏོར།

རེའུ་ཊརཛ།
སྤྱི་ཟླ་ ༧ པའི་ཚེས་ ༣༠ ལུ་ ཡུ་ཀེ་རེན་དམག་སྡེ་གིས་ བཤད་དོ་བཟུམ་འབད་བ་ཅིན་ ཁེར་སཱན་ལུང་ཕྱོགས་ནང་ དམག་འཛིང་ལངས་པའི་སྐབས་ལུ་ ཡུ་ཀེ་རེན་དམག་སྡེ་གིས་ ར་ཤི་ཡའི་ དམག་མི་ལེ་ཤ་ཅིག་ བསད་ཡོདཔ་མ་ཚད་ རྫས་བམ་བཞག་སའི་ མཛོད་ཁང་ ༢ ཡང་ གཏོར་བཏང་ཡི་ཟེར་ཨིན་པས།
དེ་མ་ཚད་ ར་ཤི་ཡ་གིས་ ཁེར་སཱན་བརྒྱུད་དེ་ གོ་མཚོན་བཀྲམ་སྤེལ་འབད་སའི་ རེལ་ལིའི་ལམ་དང་ གཙང་ཆུའི་ཟམ་ཚུ་ཡང་ མེདཔ་བཏང་ཡོདཔ་ལས་ ར་ཤི་ཡའི་ དམག་མི་ཚུ་ ལུང་ཕྱོགས་དེ་ཁར་ རང་རྐྱང་སྦེ་ ལུས་སོང་ནུག།
དེ་བསྒང་ ཡུ་ཀེ་རེན་ དམག་མི་ཚུ་གིས་ ནུབ་ཕྱོགས་རྒྱལ་ཁབ་ཚུ་ལས་ བཀྲམ་སྤེལ་འབད་མི་ ཐག་རིང་མི་ཛ་ཡེལ་རིམ་ལུགས་ཚུ་ ལག་ལེན་འཐབ་ཐོག་ལས་ ཟམ་ ༣ མེདཔ་བཏང་ནི་དེ་གིས་ ཁེར་སཱན་ཁྲོམ་སྡེའི་ནང་ རྒྱུན་འགྲུལ་འཐབ་ས་མེདཔ་ བཟོ་ཡོདཔ་ཨིན་པས།
བི་རི་ཊིཤ་ སྲུང་སྐྱོབ་འགོ་དཔོན་ཚུ་གིས་ བརྟག་ཞིབ་འབད་མི་དང་འཁྲིལ་བ་ཅིན་ ནུབ་ཕྱོགས་ཆུ་འགྲམ་དེ་ཁར་ ར་ཤི་ཡའི་ དམག་མི་ཚུ་གི་ དམག་སྒར་ ༤༩ པ་ཨིན་པས་ཟེར་བཀོད་ནུག།
དེ་ལས་ ར་ཤི་ཡ་གིས་ སྐྱེལ་འདྲེན་འབད་ས་ གཙོ་བོ་ཅིག་སྦེ་ བཙན་བཟུང་འབད་མི་ ས་ཁོངས་དེ་ཁའི་ རེལ་ལི་ལམ་གྱི་ ལྕགས་ཟམ་དེ་ཡང་ མེདཔ་བཏང་ཡོདཔ་ལས་ རྒྱུན་འགྲུལ་འཐབ་མ་ཚུགསཔ་ བཟོ་ནུག་ཟེར་ཨིན་པས།
ག་དེ་སྦེ་ཨིན་རུང་ སྤྱི་ཟླ་ ༧ པའི་ཚེས་ ༢༩ ལུ་ ཁེར་སཱན་ལུང་ཕྱོགས་ནང་ ཡུ་ཀེ་རེན་ དམག་མི་ཚུ་གིས་ ར་ཤི་ཡའི་ དམག་མི་ ༡༠༠ ལྷགཔ་ཅིག་དང་ དམག་འཁོར་ཊེང་ ༧ དེ་ཅིག་ཡང་ གཏོར་བཏང་ནུག་ཟེར་ བཀོད་འདུག་པའི་གནས་ཚུལ།

Please follow and like us: