ཀོ་རོ་ཤི་ཡ་ལུ་ སྐྱེལ་འདྲེན་བཱཛ་ཅིག་ལུ་ ཐུག་རྐྱེན་བྱུང་མིའི་ནང་ ལམ་འགྲུལཔ་ ༡༣ ལུ་ ཤི་རྐྱེན་དང་ ༣༡ ལུ་རྨ་སྐྱོན།

བི་བི་སི།
སྤྱི་ཟླ་ ༨ པའི་ཚེས་ ༦ ལུ་ ཀོ་རོ་ཤི་ཡའི་ རྒྱལ་ཁབ་ནང་ ལྟ་བཤལཔ་འབག་མི་ སྐྱེལ་འདྲེན་བཱཛ་ཅིག་ལུ་ ཐུག་རྐྱེན་བྱུང་ཡོདཔ་ལས་ ལམ་འགྲུལཔ་ ༡༣ ལུ་ ཤི་རྐྱེན་དང་ གཞན་མི་ ༣༡ ལུ་ རྨ་སྐྱོན་བྱུང་ནུག།
དེ་སྦེ་ རྨ་སྐྱོན་བྱུང་མི་ ལམ་འགྲུལཔ་ཚུ་ སྨན་ཁང་ནང་ བསྐྱལ་ཡོད་རུང་ གནས་སྟངས་འཚུབ་དྲགས་སྦེ་ཡོད་ཟེར་ དབང་འཛིན་ཚུ་གིས་ བཤད་ཡོདཔ་ཨིན་པས།
པོ་ལེན་ལས་ཨིན་མི་ ལམ་འགྲུལཔ་ཚུ་ག་ར་ ན་ལོན་ཙང་ཙང་ཨིནམ་ད་ ཁོང་ཆ་ཁྱབ་ མེཌ་ཇུ་གོར་ཇི་ལུ་ཡོད་མི་ ཡེ་ཤུའི་ལྷ་ཁང་ཅིག་ནང་ གནས་སྐོར་ལུ་ འགྱོ་བའི་སྐབས་ལུ་ ས་གནས་ཀྱི་ དྲོ་པའི་ཆུ་ཚོད་ ༥.༤༠ དེ་ཅིག་ཁར་ ཐུག་རྐྱེན་བྱུང་ནུག།
དེ་བཟུམ་མའི་ རྐྱེན་ངན་ནང་ ཤི་རྐྱེན་བྱུང་མི་ཚུ་གི་ ནང་མི་བཟའ་ཚང་ཚུ་ལུ་ ཀོ་རོ་ཤི་ཡའི་ བློན་ཆེན་གྱིས་ མྱ་ངན་གྱི་ སེམས་གསོ་ཡོད་ལུགས་ གསུངས་ནུག་ཟེར་ བཀོད་འདུག་པའི་གནས་ཚུལ།