ཏཱ་ཡེ་ཝཱན་ མཚོ་གླིང་རྒྱལ་ཁབ་ནང་ རྒྱ་ནག་གི་ གནམ་གྲུ་ཚུ་དང་ དམག་གྲུ་ཚུ་གི་ སྟ་གོན་དྲག་བཅོམ།

རེའུ་ཊརཛ།
སྤྱི་ཟླ་ ༨ པའི་ཚེས་ ༦ ལུ་ ཏཱ་ཡེ་ཝཱན་གྱི་ དབང་འཛིན་ཚུ་གིས་ བཤད་དོ་བཟུམ་འབད་བ་ཅིན་ ཏཱ་ཡེ་ཝཱན་ལུ་ རྒྱ་ནག་གི་ གནམ་གྲུ་དང་ དམག་གྲུ་ཚུ་གིས་ སྟ་གོན་དྲག་བཅོམ་འབད་དོ་ཟེར་ཨིན་པས།
དེ་ཡང་ རང་སྐྱོང་མཚོ་གླིང་ལུ་ ཨ་མི་རི་ཀའི་ཚོགས་དཔོན་ ཨམ་པེ་ལོ་སི་གིས་ བདུན་ཕྲག་འདི་ནང་ དུས་ཡུན་ཐུང་ཀུ་ཅིག་གི་དོན་ལས་ གཟིགས་སྐོར་གནང་མི་ལུ་བརྟེན་ཏེ་ རྒྱ་ནག་གིས་ མི་ཛ་ཡེལ་གྱིས་གཙོས་པའི་ དམག་སྦྱོང་འབད་ནི་ཚུ་ དེ་འཕྲལ་ལས་ འགོ་བཙུགས་ནུག།
ཨ་མི་རི་ཀའི་ རྒྱལ་ཁམས་དྲུང་ཆེན་ ཨེན་ཊོ་ནི་ བི་ལིན་ཀེན་གྱིས་ རྒྱ་ནག་གི་ ཁ་ཐུག་ལས་ ཞི་བདེའི་ཐབས་ཤེས་ཚུ་ སྟོན་ནི་མིན་པར་ མཚོ་གླིང་རྒྱལ་ཁབ་ ཏཱ་ཡེ་ཝཱན་ལུ་ དམག་སྡེ་ལག་ལེན་འཐབ་མི་དེ་ ལེགས་ཤོམ་མིན་པའི་ ཁ་ཉེས་བཀལ་ཡོདཔ་ཨིན་པས།
རྒྱ་ནག་གིས་ སྤྱི་ཟླ་ ༨ པའི་ཚེས་ ༤ ལས་ འགོ་བཙུགས་ཏེ་ ཏཱ་ཡེ་ཝཱན་གྱི་ ས་ཁོངས་ ༦ གི་ནང་ དེ་བཟུམ་མའི་ དམག་རྩལ་ལས་རིམ་ ལག་ལེན་འཐབ་མི་དེ་ སྤྱི་ཟླ་ ༨ པའི་ཚེས་ ༧ ལུ་ མཇུག་བསྡུ་ནི་གི་ ལས་འཆར་ཡོདཔ་ཨིན་པས་ཟེར་ བཀོད་འདུག་པའི་གནས་ཚུལ།