རྒྱ་ནག་ལུ་ ཆུ་རུད་ཐོན་ཏེ་ རྐྱེན་ངན་ནང་ མི་གྲངས་ ༡༦ ལུ་ ཤི་རྐྱེན་དང་ གཞན་མི་ ༡༨ བྱང་སྟོར།

ཨེ་བི་སི།
རྒྱ་ནག་གི་ ནུབ་ཁ་ཐུག་ལུ་ འདྲེ་ཆར་ཧང་ཏོམ་མར་རྐྱབ་པའི་ རྐྱེན་ངན་ནང་ མི་གྲངས་ ༡༦ དེ་ཅིག་ལུ་ ཤི་རྐྱེན་བྱུང་ཡོདཔ་མ་ཚད་ གཞན་མི་ ༡༨ དེ་ཅིག་ཡང་ བྱང་སྟོར་ཤོར་ནུག།
ད་རེས་ གནམ་བྱཱར་གྱི་ དུས་ཚོད་འདི་ཁར་ རྒྱ་ནག་གི་ ས་གནས་ལ་ལོ་ཅིག་ནང་ ཆརཔ་དང་ ཆུ་རུད་ལུ་བརྟེན་ཏེ་ དཀའ་ངལ་བྱུང་པའི་ཁར་ ལུང་ཕྱོགས་ལ་ལོ་ཅིག་ནང་ ཆར་ཆུ་མེད་པར་ ཚ་དྲོད་ལུ་བརྟེན་པའི་ དཀའ་ངལ་ཡང་ཡོདཔ་ཨིན་པས།
དེ་བཟུམ་མའི་ ཆར་ཆུ་མེད་པར་ ཚ་དྲོད་ཀྱི་ དཀའ་ངལ་ཐོན་མི་དེ་ མི་ལོ་ ༦༠ གི་རིང་ལུ་ འགོ་དང་པ་ཨིནམ་ད་ དེ་བཟུམ་སྦེ་ བདུན་མཐའ་ཧེ་མའི་ནང་ཡང་ རྒྱ་ནག་གི་ ལྷོ་ནུབ་མངའ་སྡེ་ སི་ཅུ་ཧཱན་ཟེར་སར་ ཆུ་བྲེས་ཏེ་ མི་གྲངས་ ༧ ལུ་ཡང་ ཤི་རྐྱེན་བྱུང་ནུག་ཟེར་ བཀོད་འདུག་པའི་གནས་ཚུལ།

Please follow and like us: