ཡུ་ཀེ་རེན་གྱི་ གོ་མཚོན་འཕྲུལ་ཁང་ལུ་ གནོདཔ་བཀལ་བ་ཅིན་ རང་སྲོག་བཅད་ཡོདཔ་སྦེ་ ཆ་གནས་འབད་ནི།

བི་བི་སི།
འཛམ་གླིང་སྤྱི་ཚོགས་ཀྱི་ ཡོངས་ཁྱབ་དྲུང་ཆེན་ ཨན་ཊོ་ནིའོ་ ག་ཊར་རེཛ་གིས་ གསུངས་དོ་བཟུམ་འབད་བ་ཅིན་ ཡུ་ཀེ་རེན་གྱི་ ལྷོ་ཁ་ཐུག་ལུ་ཡོད་མི་ ཟ་པོ་རིཟ་ཞི་ཡ་ གོ་མཚོན་འཕྲུལ་ཁང་གི་ སྦོ་ལོགས་ཁར་ དམག་འཁྲུག་ལང་མི་ལུ་བརྟེན་ཏེ་ ཚ་གྱང་སྦོམ་ཡོད་ཟེར་ཨིན་པས།
དེ་ཡང་ ཡོངས་ཁྱབ་དྲུང་ཆེན་ ཨན་ཊོ་ནིའོ་ ག་ཊར་རེཛ་གིས་ ཡུ་ཀེ་རེན་གྱི་སྲིད་འཛིན་ ཝོ་ལོ་ཌི་མིར་ ཟེ་ལེན་ཀེ་དང་ ཊར་ཀིའི་སྲིད་འཛིན་ རེ་སིབ་ཊེ་ཡིབ་ ཨིར་ཊོ་གན་དང་ཅིག་ཁར་ ས་གནས་ལོ་ཝིའུ་ལུ་སྦེ་ ཞལ་འཛོགས་ཅིག་ འཚོགས་པའི་སྐབས་ལུ་གསུངས་ནུག།
དེ་མ་ཚད་ ཡོངས་ཁྱབ་དྲུང་ཆེན་མཆོག་གིས་ མཐུན་རྐྱེན་ཡོད་མི་ ཟ་པོ་རིཟ་ཞི་ཡ་ལུ་ གནོདཔ་བཀལ་བ་ཅིན་ རང་སྲོག་བཅད་ཡོདཔ་སྦེ་ ཆ་གནས་མཛད་ནི་ཨིན་པའི་ ཉེན་བརྡ་ཡང་ མཛད་ཡོདཔ་ཨིན་པས།
ག་དེ་སྦེ་ཨིན་རུང་ སྤྱི་ཟླ་ ༣ པའི་ནང་ ར་ཤི་ཡ་གིས་ བཙན་དབང་འབད་མི་ ས་ཁོངས་དེ་ནང་ འཕྲལ་ཁམས་ཅིག་ཁ་ལས་ དམག་འཁྲུག་ལང་བཞིན་དུ་ཡོད་མི་ལུ་ ཡུ་ཀེ་རེན་དང་ ར་ཤི་ཡ་གིས་ གཅིག་གིས་གཅིག་ལུ་ ཁ་ཉེས་བཀལཝ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: