ཨཱཛ་ཊེ་ལི་ཡ་ལུ་ སྐྱེས་ལོ་ ༧༧ འབད་མི་ ཨ་རྒས་ཅིག་ སེམས་ཅན་ཀང་ག་རུ་གིས་དམར་བསད།

བི་བི་སི།

སྤྱི་ཟླ་ ༩ པའི་ཚེས་ ༡༢ ལུ་ ཨཱཛ་ཊེ་ལི་ཡའི་ གཡུས་ཚན་རེཌ་མཱོན་ཟེར་སར་ སྐྱེས་ལོ་ ༧༧ འབད་མི་ ཨ་རྒས་ཅིག་ ཁོ་རའི་ཁྱིམ་ནང་སྦེ་གསོ་མི་ རི་དྭགས་སེམས་ཅན་ ཀང་ག་རུ་གིས་ མགུ་ཏོག་ཁར་ རྨ་བཏོན་ཁྲག་བཏོན་འབད་ཡོདཔ་སྦེ་ སྤུན་ཆ་ཚུ་གིས་ མཐོང་ཡོདཔ་ཨིན་པས།

དེ་ཡང་ ཁྲོམ་སྡེ་པཱད་ཀྱི་ ལྷོ་ཁ་ཐུག་ལུ་ ཀི་ལོ་མི་ཊར་ ༤༠༠ དེ་ཅིག་གི་ ས་ཁར་ཨིནམ་ད་ སྤུན་ཆ་ཚུ་གིས་ སྨན་ཁང་ལུ་ སླབ་ཡོདཔ་བཞིན་དུ་ སྨན་པ་དང་བཅསཔ་སྦེ་ ནདཔ་སྐྱེལ་འདྲེན་གྱི་ སྣུམ་འཁོར་ལྷོད་དེ་ སྨན་པ་ཚུ་གིས་ སྨན་བཅོས་འབད་ནི་འབདཝ་ད་ ཀང་ག་རུ་གིས་ བར་ཆད་རྐྱབ་སྟེ་ སྨན་བཅོས་འབད་མ་བཅུགཔ་ཨིན་པས།

དེ་འབདཝ་ལས་ ཧེ་མ་ར་ ཀང་ག་རུ་དེ་ བསད་ཞིནམ་ལས་ སྨན་གཡོགཔ་ཚུ་ ཕོ་སྐྱེས་དེ་གི་ སྦོ་ལོགས་ཁར་ སྦྱར་ཚུགས་ཡོད་རུང་ དེ་བསྒང་ལས་ ཕོ་སྐྱེས་དེ་ ཤི་སོང་ནུག་ཟེར་ཨིནམ་ད་ ཁྲིམས་སྲུང་འགག་སྡེ་གིས་ བཤད་དོ་བཟུམ་འབད་བ་ཅིན་ དེ་ཚེ་དྲོ་པ་ རི་ཁར་སྡོད་མི་ ཀང་ག་རོ་གིས་ གནོདཔ་བཀལ་ཡོད་པའི་ དོགས་པ་ཡོད་ཟེར་ཨིན་པས།

ཨཱཛ་ཊེ་ལི་ཡའི་ རྒྱལ་ཁབ་དེ་ སེམས་ཅན་ཀང་ག་རུ་ ས་ཡ་ ༥༠ དེ་ཅིག་གི་ སྡོད་ཁྱིམ་བཟུམ་ཅིག་ཨིནམ་ད་ ཁོང་གི་ལྗིད་ཚད་འབད་བ་ཅིན་ མཐོ་ཤོས་ཀེ་ཇི་ ༩༠ ཚུན་དང་ མཐོ་ཚད་མི་ཊར་ ༢ དེ་རེ་ཡོདཔ་ཨིན་པས།

ག་དེ་སྦེ་ཨིན་རུང་ ཨཱཛ་ཊེ་ལི་ཡ་ལུ་ དེ་བཟུམ་མའི་ གནོད་འཚུབ་བཀལ་མི་དེ་ སྤྱི་ལོ་ ༡༩༣༦ ལས་ ད་ཚུན་གྱི་བར་ན་ འགོ་དང་པ་ཨིན་པས་ཟེར་ བཀོད་འདུག་པའི་གནས་ཚུལ།