ཡུ་ཀེ་རེན་གྱི་ དམག་མི་ཚུ་གིས་ ཀི་ལོ་མི་ཊར་ ༦,༠༠༠ འབད་མི་ ས་གོ་ལོག་ཐོབ་ཡོདཔ།

བི་བི་སི།

ཡུ་ཀེ་རེན་གྱི་ དམག་མི་ཚུ་གིས་ དམག་གི་གདོང་ལེན་ ལེགས་ཤོམ་སྦེ་འབད་བ་ལུ་བརྟེན་ཏེ་ ར་ཤི་ཡ་ལས་ ས་གོ་ལེ་ཤ་ཅིག་ར་ ལོག་ལེན་ཚུགས་ཡོདཔ་ད་ དེ་ཡང་ སྲིད་འཛིན་ཟེ་ལེན་ཀི་གིས་ གསུངས་དོ་བཟུམ་འབད་བ་ཅིན་ ཧེ་མ་ ར་ཤི་ཡའི་ མངའ་འོག་ལུ་བཙུགས་མི་ ཤར་ལྷོ་ ༢ ཀྱི་ནང་ལས་ ས་གོ་ཀི་ལོ་མི་ཊར་ ༦,༠༠༠ གྲུ་བཞི་འབད་མི་ ལོག་ཐོབ་ཚུགས་ཅི་ཟེར་ཨིན་པས།

ར་ཤི་ཡ་གིས་ བཤད་དོ་བཟུམ་འབད་བ་ཅིན་ ཁར་ཀིབ་ཀྱི་ བྱང་ཤར་མངའ་སྡེའི་ནང་ལས་ ཁྲོམ་སྡེ་གཙོ་ཅན་ ༢ ལོག་ཤོར་ཡོདཔ་སྦེ་ ཁས་ལེན་འབད་ཡོད་མི་དེ་ཡང་ ཕྱད་མདའ་ནང་ དམག་གི་ནུས་སྟོབས་ཉམས་འགྱོ་བའི་ རྟགས་མཚན་ཨིནམ་སྦེ་ དམག་སྡེའི་མཁས་མཆོག་ཚུ་གིས་བཤད་ནུག།

ཨིན་རུང་ ད་རེས་ནངས་པར་ ར་ཤི་ཡ་གིས་ ཁར་ཀིབ་མངའ་སྡེའི་ནང་ལས་ དམག་མི་ཕྱིར་བཏོན་འབད་མི་དེ་ ལོག་སྡེ་ཚན་བཟོ་ཞིན་ན་ ཡུ་ཀེ་རེན་གྱི་ ཤར་ ཁ་ཐུག་ལུ་ཡོད་པའི་ ལུ་ཧཱནཛ་དང་ ཌོ་ནེཛ་མངའ་སྡེ་ལུ་ དམིགས་གཏད་སྐྱེད་ནི་ཨིནམ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།