རྒྱ་པཱན་གྱི་དབུས་ཕྱོགས་ལུ་ འདྲེ་ཆར་ལུ་བརྟེན་ཏེ་ མི་ ༢ ལུ་ཤི་རྐྱེན།

རེའུ་ཊརཛ།
སྤྱི་ཟླ་ ༩ པའི་ཚེས་ ༢༤ ལུ་ རྒྱ་པཱན་གྱི་ དབུས་ཕྱོགས་ཁ་ཐུག་ལུ་ རླུང་འཚུབ་དང་ འདྲེ་ཆར་ལུ་བརྟེན་ཏེ་ མི་ ༢ ལུ་ ཤི་རྐྱེན་བྱུང་ཡོདཔ་མ་ཚད་ སྡོད་ཁྱིམ་སྟོང་ཕྲག་ལེ་ཤ་ཅིག་ལུ་ཡང་ གློག་མེ་མེད་པར་ སྡོད་དགོཔ་འབྱུང་སྟེ་ཡོདཔ་ཨིན་པས།
དེ་ཡང་ སྐྱེས་ལོ་ ༤༠ འབད་མི་ ཕོ་སྐྱེས་དེ་ ས་རུད་ཆད་མིའི་ནང་ ཤི་རྐྱེན་བྱུང་ཡོདཔ་ད་ སྐྱེས་ལོ་ ༢༩ འབད་མི་ ཕོ་སྐྱེས་དེ་ སྣུམ་འཁོར་ ༡ རྦོབ་རིལ་མིའི་ནང་ ཤི་ཡོདཔ་སྦེ་མཐོང་ནུག།
དེ་ལས་ ས་རུད་ཆད་མི་ལུ་བརྟེན་ཏེ་ སྡོད་ཁྱིམ་ ༡༢༠,༠༠༠ དེ་ཅིག་གི་ གློག་མེ་ཚུ་ཡང་ བཏོག་བཏང་ཡོདཔ་ཨིན་པས།
དེ་བཟུམ་མའི་ གློག་མེའི་དཀའ་ངལ་ཐོན་མི་ལུ་ བཟོད་གསོལ་འབད་གནང་ཟེར་ཨིནམ་ད་ གཞུང་གི་ཁ་ཐུག་ལས་ གང་མགྱོགས་ཅིག་སྦེ་ར་ གློག་མེ་ཚུ་ མཐུད་ཚུགསཔ་འབད་ནི་ལུ་ རྩ་འགེངསམ་ཨིན་པས་ཟེར་ བཀོད་འདུག་པའི་གནས་ཚུལ།