ཡུ་ཀེའི་བློན་ཆེན་ ཨམ་ལིཟ་ཊཛ་གིས་ མོ་རའི་དབང་ཆ་ལུ་ འུར་ཟིང་ཐོག་ལས་ ནུས་མེད་སོང་སྟེ་དགོངས་ཞུ།

བི་བི་སི།
སྤྱི་ཟླ་ ༡༠ པའི་ཚེས་ ༢༠ ལུ་ ཨམ་ལིཟ་ཊཛ་གིས་ བི་རི་ཊེན་གྱི་ བློན་ཆེན་སྦེ་ དུས་ཡུན་ཐུང་ཀུ་ཅིག་གི་རིང་ལུ་ ཕྱག་ཞུ་བའི་བར་ན་ མོ་གི་སྲིད་བྱུས་ཚུ་ལུ་བརྟེན་ཏེ་ དངུལ་འབྲེལ་ཚོང་ལམ་ནང་ འུར་ཟིང་དང་ མོ་རའི་སྲིད་ཚོགས་ཀྱིས་ ངོ་རྒོལ་ཚུ་འབད་དེ་ དབང་ཚད་ནུས་མེད་ ཐལ་བའི་ཤུལ་ལུ་ དགོངས་ཞུ་འབད་ཡོདཔ་ཨིན་པས།
མོ་གིས་ ཌའུ་ནིང་སི་ཊིཊ་ ཡིག་ཚང་གི་ཕྱི་ཁར་ གསལ་བཤད་ཐུང་ཀུ་ཅིག་འབད་མིའི་ནང་ མོ་རའི་སྲིད་ཚོགས་ཀྱིས་ དམིགས་བསལ་གྱི་ འགན་ཁུར་བཀལ་ཐོག་ལས་ བཙག་འཐུ་གྲུབ་མི་ འགན་ཁུར་ཚུ་ མོ་གིས་ འགྲུབ་མི་ཚུགས་ནི་ཨིན་པའི་ ཁས་ལེན་འབད་ནུག།
ད་རེས་ ཨམ་ལིཟ་ཊཛ་གིས་ དགོངས་ཞུ་འབད་མི་དེ་བརྩིཝ་ད་ ཀཱན་སར་བེ་ཊིབ་ སྲིད་ཚོགས་ནང་ལས་ བློན་ཆེན་གྱི་ གོ་གནས་ལས་ དུས་ཡུན་མ་ཚང་པར་ དགོངས་ཞུ་འབད་མི་ བློན་ཆེན་ ༣ འགྱོཝ་ཨིན་པས།
ཨམ་ལིཟ་ཊཛ་གིས་ དགོངས་ཞུ་འབད་བའི་ཤུལ་ལུ་ མོ་གི་སྲིད་ཚོགས་ནང་ཡང་ འུར་ཟིང་ལང་སྟེ་ མཐུན་ལམ་མེདཔ་ ཐལ་ཡོདཔ་ལས་ སྲིད་ཚོགས་དེ་ གཅིག་སྒྲིལ་ཅན་ བཟོ་ཐབས་ལུ་ བསྐྱར་གསོ་འབད་མི་ཅིག་ འཚོལ་ནི་གི་ བྱ་སྒོ་ལག་ལེན་ འགོ་བཙུགསཔ་ད་ ཉིན་གྲངས་དག་པ་ཅིག་གི་རིང་ལུ་ ཨམ་ལིཟ་ཊཛ་དེ་ ཡིག་ཚང་ནང་ར་ སྡོད་ནི་ཨིན་པས།
ཨམ་ལིཟ་ཊཛ་གིས་ ཉིན་གྲངས་ ༤༥ གི་རིང་ལུ་ བི་རི་ཊེན་ བློན་ཆེན་གྱི་ གོ་གནས་འཆང་ཡོདཔ་སྦེ་ བཀོད་འདུག་པའི་གནས་ཚུལ།

Please follow and like us: