བི་རི་ཊེན་ བློན་ཆེན་གྱི་དོན་ལུ་ རི་ཤི་སུ་ནག་གིས་ སྣ་ཁྲིད་འབད་དོ་ཡོདཔ།

བི་བི་སི།
རྒྱ་གར་གྱི་ མི་བརྒྱུད་ཨིན་མི་ རི་ཤི་སུ་ནག་དེ་ ཀཱན་སར་བེ་ཊིབ་ སྲིད་ཚོགས་ཀྱི་ ཤུལ་མའི་འགོ་ཁྲིདཔ་དང་ བློན་ཆེན་གྱི་དོན་ལས་ བཙག་འཐུའི་ནང་ གྲལ་གཏོགས་འབད་ནི་ལུ་ སྤྱི་ཚོགས་ཀྱི་ འཐུས་མི་ ༡༠༠ གིས་ གདམ་འཐུ་འགྲུབ་སག་སག་སྦེ་ཡོདཔ་ཨིན་པས།
དེ་ཡང དངུལ་རྩིས་བློན་པོ་བགྲེསཔ་ རི་ཤི་སུ་ནག་དེ་ ཊོ་རིའི་སྤྱི་ཚོགས་འཐུས་མི་ ༩༣ གྱིས་ གདམ་འཐུ་གྲུབ་ཅི་ཟེར་ཨིན་རུང་ བསྐུལ་བསྒྲགས་ཅིག་དང་འཁྲིལ་བ་ཅིན་ འཐུས་མི་ ༡༠༠ གིས་ར་ གདམ་འཐུ་གྲུབ་སྟེ་ཡོད་ཟེར་ བི་བི་སི་ལུ་བཤད་ནུག།
ཧེ་མའི་བློན་ཆེན་བགྲེསཔ་ བོ་རིཛ་ཇཱོན་སཱན་དེ་ འཐུས་མི་ ༤༤ གིས་ གདམ་འཐུ་གྲུབ་སྟེ་ ཨང་ ༢ པའི་ནང་ གནས་ཏེ་ཡོདཔ་ལས་ ཀ་རི་བི་ཡཱན་ལུ་ ངལ་གསོ་སྦེ་ འགྱོ་ས་ལས་ ལོག་འོང་དོ་ཡོདཔ་ཨིན་པས།
གདམ་འཐུའི་ཐད་ཁར་ དང་པ་ར་ པེན་ནི་མོར་ཌཱོན་ལུ་ རྒྱབ་སྐྱོར་འབད་མི་ འཐུས་མི་ ༢༡ ཡོད་པའི་ གསལ་བསྒྲགས་འབད་ནུག།
ཇཱོན་སཱན་ལུ་ རྒྱབ་སྐྱོར་འབད་མི་ ཚོང་འབྲེལ་བློན་པོ་ སར་ཇེམཛ་ཌ་ཌིཇ་གིས་ ཇཱོན་སཱན་དེ་ ལོག་སྟེ་ར་ བློན་ཆེན་གྱི་ བཙག་འཐུའི་ནང་ གྲལ་གཏོགས་འབད་ནིའི་དོན་ལུ་ ཀ་རི་བི་ཡཱན་ལས་ ལོག་འོང་དོ་ཟེར་བཤད་ནུག།
མ་གཞི་ སུ་ནག་དང་ ཇཱོན་སཱན་གཉིས་ཆ་ར་གིས་ གཞུང་འབྲེལ་ཐོག་ལས་ བསྐུལ་བསྒྲགས་མ་འབད་རུང་ རྒྱབ་སྐྱོརཔ་ཚུ་གིས་ རྒྱབ་སྐྱོར་ཡོད་ལུགས་ཚུ་ གསལ་བསྒྲགས་འབད་ནུག་ཟེར་ བཀོད་འདུག་པའི་གནས་ཚུལ།

Please follow and like us: