ནོར་ཝེ་ལུ་ ར་ཤི་ཡའི་ཧོངས་ལས་ བྱ་ལྟ་མི་ཨིན་པའི་ ཉེས་འཛུགས་ཐོག་ལུ་ ཕོ་སྐྱེས་ཅིག་འཛིན་བཟུང་།

བི་བི་སི།
ནོར་ཝེ་ལུ་ཡོད་མི་ ཉེན་སྲུང་ལས་སྡེ་གིས་ གཙུག་ལག་སློབ་སྡེའི་ནང་ ལེགས་སྦྱར་བ་ཨིན་མི་ ཕོ་སྐྱེས་ཅིག་ ར་ཤི་ཡའི་ཧོངས་ལས་ བྱ་ལྟ་མི་ཨིན་པའི་ ཉེས་འཛུགས་ཐོག་ལུ་ འཛིན་བཟུང་འབད་ཡོདཔ་ཨིན་པས།
དེ་ཡང་ རྒྱལ་ཡོངས་ཀྱི་ གཞི་རྩ་ལུ་ གནོད་ཉེན་འོང་སྲིད་ནི་ཨིནམ་ལས་ ཨོཛ་ལོ་ནང་འཁོད་ ཉེན་སྲུང་ལས་སྡེ་གིས་ བྱ་ལྟ་མི་ ངེས་ཏིག་ཨིནམ་སྦེ་ ངོས་འཛིན་འབད་བའི་ཤུལ་ལུ་ ལཱ་གཡོག་ནང་འགྱོ་བའི་ ལམ་ཁ་ལས་ འཛིན་བཟུང་འབད་ནུག།
དོགས་པ་ཅན་དེ་ བཱ་ར་ཛིལ་ལས་ ཤེསཡོན་སྦྱང་ཡོདཔ་སྦེ་ གསལ་སྟོན་འབད་ཡོད་རུང་ གཞུང་འབྲེལ་ལུ་ མི་ཁུངས་ངོ་མ་ ར་ཤི་ཡཱན་ཨིནམ་སྦེ་ ངོས་འཛིན་བྱུང་ཡོདཔ་ཨིན་པས།
ཨོཛ་ལོ་ལུ་ཡོད་མི་ ར་ཤི་ཡའི་ གཞུང་ཚབ་ཡིག་ཚང་ལས་ བཤད་དོ་བཟུམ་འབད་བཅིན་ དོགས་པ་ཅན་དེ་ རྒྱལ་ཁབ་ག་ཏེ་ལས་ཨིན་ན་ ཏན་ཏན་ཅིག་སྦེ་ ཤེས་མི་ཚུགས་པས་ཟེར་ཨིན་པས།
ཨིན་རུང་ དོགས་པ་ཅན་དེ་ སྤྱི་ལོ་ ༢༠༢༡ ལས་ ནོར་ཝེ་རྒྱལ་ཁབ་ཀྱི་ བྱང་ཕྱོགས་ཁ་ཐུག་ལུ་ ཊོམ་སོ་གཙུག་ལག་སློབ་སྡེའི་ནང་ ཞིབ་འཚོལཔ་སྦེ་ སྡོད་ནུག་ཟེར་ཨིནམ་ད་ ཁོ་གི་ཁྲིམས་རྩོདཔ་གིས་ དེ་སྦེ་ ཉེས་འཛུགས་བཀལ་མི་ལུ་ ཁོ་གིས་ ཁ་བཟེད་མ་བཏུབ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: