རྒྱ་གར་གྱི་རྒྱལ་ས་ དྷི་ལི་ལུ་ རླུང་མའི་སྤུས་ཚད་ མར་ཉམས་ཏེ་ དུག་རླུང་ཁྱབ་སྤེལ།

བི་བི་སི།
རྒྱ་གར་གྱི་རྒྱལ་ས་ དྷི་ལི་ལུ་ རླུང་མའི་སྤུས་ཚད་ མར་ཉམས་ཏེ་ གནོད་ཉེན་ཅན་ཅིག་ལུ་ འགྱུར་ཡོདཔ་ལས་ སྲིད་ཚོགས་ཀྱི་ འགོ་འཁྲིདཔ་ཚུ་གིས་ གཅིག་གིས་གཅིག་ལུ་ རྫུན་ཁ་བཀལཝ་ཨིན་པས།
དྷི་ལིའི་གཞུང་སྐྱོང་ཚོགས་པ་ ཨམ་ཨཱད་མིའི་ འཐུས་མི་ཚུ་གིས་ བཤད་དོ་བཟུམ་འབད་བ་ཅིན་ ཁོང་གིས་ཕུལ་མི་ དཀའ་ངལ་སེལ་ཐབས་ཀྱི་ ལམ་སྟོན་ཚུ་ དབུས་གཞུང་གིས་ ཁས་ལེན་འབད་མ་བཏུབ་པའི་ ཁ་ཉེས་བཀལཝ་ཨིན་པས།
དེ་ལས་ དབུས་གཞུང་གི་ བྷ་ར་ཏི་ཡ་ ཇ་ན་ཏ་ཚོགས་པའི་ མཐའ་འཁོར་བློན་པོ་གིས་ བཤད་དོ་བཟུམ་འབད་བ་ཅིན་ ཨམ་ཨཱད་མི་ཚོགས་པའི་ འགོ་འཁྲིདཔ་ཚུ་གིས་ དྷི་ལི་དེ་ དུག་རླུང་འཐོན་སའི་ ཁང་མིག་བཟུམ་ཅིག་སྦེ་ བཟོ་ཡོདཔ་སྦེ་ ཁ་བཏངམ་ཨིན་པས།
དུག་རླུང་དེ་ཡང་ ཐལཝ་དང་ བཟོ་གྲྭ་ཁང་དང་ སྣུམ་འཁོར་གྱི་ དུ་པ་ཚུ་ལས་ ཐོན་པའི་ཁར་ གནམ་དགུན་གྱི་དུས་ལུ་ མི་སེར་སོ་ནམ་པ་ཚུ་གིས་ ལོ་ཐོག་བརྔ་ཤུལ་ཚུ་ མེར་བཏང་མི་དེ་གིས་ཡང་ གནམ་སྟོང་ནང་ ས་སྨུག་སྤུར་དོ་བཟུམ་སྦེ་ འགྱོཝ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: