འཛམ་གླིང་རྒྱལ་སྤྱིའི་ནང་ ནུས་ཤུགས་དང་ མ་དངུལ་གྱི་དཀའ་ངལ།

བི་བི་སི།
གནམ་གཤིས་མཁས་མཆོག་ཚུ་གིས་ བཤད་དོ་བཟུམ་འབད་བ་ཅིན་ སྤྱི་ལོ་ ༢༠༢༢ ལོར་ འཛམ་གླིང་རྒྱལ་སྤྱིའི་ནང་ ནུས་ཤུགས་དང་ མ་དངུལ་གྱི་ དཀའ་ངལ་སྦོམ་སྦེ་ར་ འཐོན་པ་ལུ་བརྟེན་ཏེ་ གནམ་གཤིས་འགྱུར་བགྲོད་དང་འབྲེལ་བའི་ ལཱ་འབད་དགོཔ་ཚུ་ མར་འབབ་སོང་ཡི་ཟེར་ཨིན་པས།
དེ་ཡང་ བདུན་ཕྲག་ཧེ་མའི་ནང་ འཛམ་གླིང་སྤྱི་ཚོགས་ཀྱིས་ འཛམ་གླིང་འདི་ གློ་བུར་དུ་ འཇིག་རྐྱེན་འབྱུང་སྲིད་ནི་ཨིན་པའི་ ཉེན་བརྡ་འབད་ཡོད་རུང་ ཡུ་ཨེཛ་གིས་ ཁྲིམས་གསར་རྩོམ་འབད་མི་དང་ བཱ་ར་ཛིལ་གྱི་ གཞུང་སྐྱོང་སོར་ནི་དེ་གིས་ ཨེ་མ་ཟཱོན་གྱི་ ཆར་ལྡན་ནགས་ཚལ་ཚུ་ མེདཔ་གཏང་ནི་ལས་ རྒྱབ་འགལ་འབད་ཚུགས་པའི་ རེ་བ་ཡོད་ཟེར་ཨིན་པས།
ག་དེ་སྦེ་ར་ཨིན་རུང་ བདུན་ཕྲག་ཤུལ་མའི་ནང་ རྒྱལ་ཁབ་ཀྱི་ དབུ་ཁྲིད་ཚུ་ ཨི་ཇིབ་ལུ་ ཀོབ་ ༢༧ ཟེར་མི་ ཞལ་འཛོམས་ནང་ འབྱོན་ནི་ཨིནམ་ལས་ དེ་བསྒང་ གསུང་གྲོས་གནང་ནི་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: