ར་ཤི་ཡ་གིས་ དྲག་ཐོག་དབང་བཙོང་ཐོག་ལས་ ཡུ་ཀེ་རེན་གྱི་ གློག་མེ་ལུ་གནོད་སྐྱོན།

བི་བི་སི།
ར་ཤི་ཡའི་ དམག་མི་ཚུ་གིས་ དམག་གི་གདོང་ལན་ བཟེད་མ་ཚུགས་པའི་བསྒང་ལས་ དྲག་ཐོག་དབང་བཙོང་འབད་དེ་ མེ་དང་ ནུས་ཤུགས་ཚུ་ མེདཔ་བཏང་མས་ཟེར་ ཡུ་ཀེ་རེན་གྱི་སྲིད་འཛིན་ ཟེ་ལེནཛ་ཀི་གིས་ ཉེས་འཛུགས་བཀལ་ནུག།
དེ་ཡང་ བདུན་ཕྲག་ ༡ གི་ཧེ་མར་ ར་ཤི་ཡ་གིས་ དྲག་ཐོག་དབང་བཙོང་ཐོག་ལས་ མི་ཛ་ཡེལ་བཏང་སྟེ་ གློག་མེའི་འཕྲུལ་ཨམ་གུ་ གནོདཔ་བཀལ་ཡོདཔ་ལས་ མི་སེར་ས་ཡ་ ༤.༥ དེ་ཅིག་ གློག་མེ་མེད་པར་ཡོདཔ་ཨིན་པས།
སྲིད་འཛིན་གྱིས་ བཤད་དོ་བཟུམ་འབད་བ་ཅིན་ ར་ཤི་ཡའི་ དམག་མི་ཚུ་གིས་ དམག་ག་དེ་སྦེ་ར་རྐྱབ་རུང་ བྱང་ཕྱད་མ་ལྕོགས་པའི་བསྒང་ལས་ དམག་མི་མེད་སའི་ མངའ་ཁོངས་ཚུ་ནང་ གློག་མེའི་གཞི་རྟེན་མཁོ་ཆས་ཚུ་ མེདཔ་བཏང་མས་ཟེར་ཨིན་པས།
དེ་བཟུམ་སྦེ་ འདས་པའི་ཟླཝ་ནང་ཡང་ ཡུ་ཀེ་རེན་གྱི་ གློག་མེ་འཕྲུལ་ཁང་ལྟེ་བ་ ཨང་ ༣ པ་དེ་ མེདཔ་བཏང་ཡོདཔ་ལས་ ཡུ་ཀེ་རེན་གཞུང་གིས་ མི་སེར་ཚུ་ལུ་ གློག་མེ་ཉུང་སུ་སྦེ་ ལག་ལེན་འཐབ་དགོ་པའི་སྐོར་ལས་ སླབ་ཨིན་པས་ཟེར་ བཀོད་འདུག་པའི་གནས་ཚུལ།

Please follow and like us: