རྒྱ་གར་ལུ་ ཚོགས་རྒྱན་འགོ་དང་པ་བཙུགས་མི་ ཨ་རྒས་གྱོངས་ཡོདཔ།

བི་བི་སི།

རྒྱ་གར་གྱི་མངའ་སྡེ་ ཧི་མ་ཅཱལ་ པར་དེཤ་ལུ་ སྐྱེས་ལོ་ ༡༠༥ འབད་མི་ ཤེམ་ས་རཱན་ནེ་གི་ཟེར་མི་ ཨ་རྒས་ཀྱིས་ ཁོ་རའི་མངའ་སྡེའི་ནང་ ཚོགས་རྒྱན་བཙུགས་ཏེ་ ཉིན་གྲངས་ ༣ གྱི་ཤུལ་ལས་ སྤྱི་ཟླ་ ༡༡ པའི་ཚེས་ ༦ ལུ་ གྱོངས་སོངཔ་ཨིན་པས།

དེ་ཡང་ རྒྱ་གར་གྱིས་ བི་རི་ཊིཤ་ལས་ རྒྱལ་ཁབ་རང་དབང་རང་བཙན་ ཐོབ་པའི་ཤུལ་ལས་ ཧི་མ་ཅཱལ་ པར་དེཤ་མངའ་སྡེའི་ནང་ སྤྱི་ལོ་ ༡༩༥༡ ལུ་ བཙག་འཐུའི་ལམ་ལུགས་ འགོ་བཙུགས་ཡོདཔ་བཞིན་དུ་ ཁོ་གིས་ཡང་ དེ་བསྒང་ ཚོགས་རྒྱན་འགོ་དང་པ་ བཙུགས་ནུག་ཟེར་ཨིན་པས།

སློབ་དཔོན་བགྲེསཔ་ ཨ་རྒས་དེ་གིས་ ཁོར་འི་མི་ཚེའི་ནང་ བཙག་འཐུའི་དོན་ལས་ ཚོགས་རྒྱན་ཚུ་ ཚར་གཅིག་ཡང་མ་ཆད་པར་ བཙུགས་ཡོདཔ་སྦེ་ བཤདཔ་ཨིན་པས་ཟེར་ བཀོད་འདུག་པའི་གནས་ཚུལ།