རྒྱ་གར་གྱི་ བློན་ཆེན་མཆོག་གིས་ བེན་ག་ལུ་རུ་ གསར་གཏོད་འབད་མིའི་ སྐུ་འདྲ་འགོ་འབྱེད།

བི་བི་སི།
རྒྱ་གར་གྱི་བློན་ཆེན་ ན་རེན་ད་ར་ མོ་དི་མཆོག་གིས་ དུས་རབས་ ༡༦ པའི་ནང་ བེན་ག་ལུ་རུའི་ ས་ཁོངས་འགོ་དང་པ་ གསར་གཏོད་འབད་མི་ ས་གནས་ཀྱི་འགོ་ཁྲིདཔ་ ཀེམ་པ་གོཝ་ཌའི་ སྐུ་འདྲ་ཅིག་ འགོ་འབྱེད་མཛད་ནུག།
རྒྱུ་ལི་ལས་གྲུབ་པའི་ སྐུ་འདྲ་དེ་ཡང་ མཐོ་ཚད་མི་ཊར་ ༣༣ དང་ ལྗིད་ཚད་ཊཱོན་ ༢༢༠ ཡོདཔ་ད་ སྐུ་འདྲ་དེ་ རྒྱ་གར་ཀར་ན་ཊ་ཀ་མངའ་སྡེའི་ རྒྱལ་ས་ལུ་ཡོད་མི་ རྒྱལ་སྤྱིའི་གནམ་ཐང་གི་ ས་ཁོངས་ནང་ཡོདཔ་ཨིན་པས།
སྐུ་འདྲ་དེ་ལུ་ རིན་གོང་རུ་པི་ ས་ཡ་ ༨༥༠ གནས་ཡོདཔ་ད་ སྤྱི་ལོ་ ༢༠༡༩ ལུ་ མངའ་སྡེའི་གཞུང་གིས་ བརྗོད་དོན་དང་མཐུན་པའི་ གླིང་ག་དང་ སྐུ་འདྲ་བཟོ་བསྐྲུན་གྱི་དོན་ལས་ མ་དངུལ་རུ་པི་ ཐེར་འབུམ་ ༡ བཞག་ནུག།
སྐུ་འདྲ་དེ་ལུ་ ཕུན་སུམ་ཚོགས་པའི་ སྐུ་འདྲ་ཟེར་ མཚན་གསོལ་འབད་མི་དེ་ བེན་ག་ལུ་རུ་དེ་ སྔར་བ་ལྷགཔ་སྦེ་ ཡར་རྒྱས་གོང་འཕེལ་འགྱོ་བའི་ བརྡ་མཚོན་ལུ་དམིགས་ཏེ་ཨིན་ཟེར་ མངའ་སྡེའི་བློན་པོ་ཅིག་གིས་ བཤད་ཡོདཔ་སྦེ་ བཀོད་འདུག་པའི་གནས་ཚུལ།

Please follow and like us: