རྒྱལ་ཡོངས་རྗེས་དྲན་མཆོད་རྟེན་ནང་ ཨྱོན་ནོར་ལྷ་དང་ ཛམྦྷ་ལའི་གཟུངས་སྔགས།

ལྷག་པ་གྲུབ་བ།
སྤྱི་ཟླ་ ༡༡ པའི་ཚེས་ ༡༧ ལས་ ཐིམ་ཕུ་རྒྱལ་ཡོངས་རྗེས་དྲན་མཆོད་རྟེན་ནང་ ཉིན་གྲངས་ ༤ གི་རིང་ལུ་ སྤ་རོ་ལུ་ཡོད་མི་ ཡབ་རྗེས་དྲན་ཚོགས་པའི་ སྒོམ་ཆེན་ ༢༠ ལྷགཔ་ཅིག་གིས་ ཨྱོན་ནོར་ལྷ་དང་ ཛམྦྷ་ལའི་ གཟུངས་སྔགས་བསགས་གནང་མི་དེ་ སྤྱི་ཟླ་ ༡༡ པའི་ཚེས་ ༢༠ ལུ་ འགྲོལ་ནི་ཨིན་པས།
དེ་ཡང་ རྒྱལ་ཁབ་ནང་ ནད་ཡམས་མུ་གེ་ཚུ་ཞི་སྟེ་ ཨྱོན་ནོར་ལྷ་དང་ ཛམྦྷ་ལའི་ བྱིན་རླབས་དང་ དངོས་གྲུབ་ལུ་བརྟེན་ཏེ་ རྒྱལ་བློན་འབངས་ ༣ ག་ར་ འབྱོར་པ་དང་ལྡན་ཐབས་ལུ་ཨིན་ཟེར་ ཚོགས་པའི་འགོ་འཛིན་ ཀརྨ་གིས་ བཤདཔ་ཨིན་པས།
དེ་མ་ཚད་ ལྷུང་ཚོ་ལུ་ བླམ་བསོད་ནམས་བཟང་པོའི་ ལྷ་ཁང་གསར་བཞེངས་ཀྱི་ ཞལ་འདེབས་བསྡུ་ཐབས་ལུ་ཡང་ཨིན་པའི་གནས་ཚུལ།

Please follow and like us: